Kyuss

Na Galipedia, a Wikipedia en galego.
Kyuss (Logo).png
Orixe Palm Desert, California, Estados Unidos Flag of the United States.svg
Período 1989 - 1995
Xénero(s) stoner rock
Selo(s) discográfico(s) Dali Records, Elektra, Bong Load
Membros John Garcia
Josh Homme
Alfredo Hernandez
Scott Reeder
Brant Bjork
Nick Oliveri
Chris Cockrell

Kyuss foi unha influente banda estadounidense de stoner rock fundada no ano 1989 en Palm Desert, California e desaparecida en 1995. Creárona Josh Homme (guitarra), John Garcia (voces), Brant Bjork (batería) e Chris Cockrell (baixo). Tras publicar un EP co nome Sons of Kyuss en 1990, o grupo acurtouno a Kyuss e recrutou a Nick Oliveri. Nos seguintes cinco anos a banda publicou catro álbums e un EP compartido con acabada de formar Queens of the Stone Age, que estaba formada nesa época enteiramente por ex-membros de Kyuss.

Biografía[editar | editar a fonte]

Kyuss foi unha das máis importantes e influentes bandas dos anos 90 en termos de rock pesado. Sen dúbida, o grupo estaba á fronte no seu tempo, establecendo novas referencias e novos formatos, creando unha sonoridade que acabou rotulada como stoner rock.

Sons of Kyuss[editar | editar a fonte]

A banda foi formada en 1989 baixo o nome de Sons of Kyuss (nome sacado do xogo de rol Dungeons and Dragons) polo vocalista John Garcia, o guitarrista Josh Homme, o baixista Chris Cockrell (substituído en 1990 por Nick Oliveri) e o batería Brant Bjork en California.

Primeiros anos[editar | editar a fonte]

Inicialmente Kyuss acostumaba a tocar nas chamadas "desert parties" ou festas no deserto, en varias pequena cidades illadas no deserto do sur de California, onde conquistaron o público local e conseguiron un contrato coa pequena discográfica Dali Records, lanzando o seu primeiro álbum Wretch en 1991. Producido toscamente por falta de recursos, o disco non demostraba o verdadeiro potencial que Kyuss presentaba durante as súas presentacións en vivo e acabou sendo practicamente ignorado.

Mentres tanto, as constantes xiras da banda conquistaron o respecto do público underground e de músicos respectados. Un deses músicos, o guitarrista/vocalista Chris Goss (da banda Master Of Reality) foi o produtor do segundo disco de Kyuss, o excelente Blues for the Red Sun, de 1992.

O disco foi aclamado por público e crítica, sendo considerado hoxe unha referencia no chamado stoner rock. A sonoridade de Kyuss lembra moito ao son pesado de Black Sabbath, onde un dos segredos é a afinación á baixa nas guitarras e no baixo para enfatizar o peso dos instrumentos.

Os anos na Elektra e o fin da banda[editar | editar a fonte]

Dali Records pechou as súas portas, pero debido ao éxito de Blues for the Red Sun a banda asinou coa poderosa Elektra Records (a mesma de Metallica), para o lanzamento do seguinte álbum. Nesa época comezan a xurdir desentendementos entre os integrantes da banda. O baixista Nick Oliveri foi substituído por Scott Reeder para a gravación de Sky Valley, lanzado en 1994, tamén coa produción de Goss. O disco tiña as cancións (10 en total) agrupadas en só tres cortes com máis de quince minutos de duración cada un. Pero independentemente do inusitado tracklist, o que chamou a atención en Sky Valley foi a calidade do son e das composicións, superando ás expectativas impostas pola excelente repercusión do álbum anterior.

Os desentendementos permanecen e ao final da xira de divulgación o batería Brant Bjork deixa o grupo. Aínda así, a popularidade e o recoñecemento de Kyuss continúa medrando. En 1995, xa con Alfredo Hernandez na batería, xorde ...And the Circus Leaves Town, outro bo traballo da banda, aínda que non foi considerado tan brillante como os dous traballos anteriores.

Pero xa non había moito máis futuro para Kyuss, novas discusións entre Josh Homme e John Garcia decretaron o fin da banda ese ano, oficialmente anunciado en 1997.

Despois da separación[editar | editar a fonte]

Das cinzas de Kyuss xurdiron novos grupos, o máis coñecido deles foi Queens Of The Stone Age, formado en 1997 por Josh Homme (que no momento aínda ocupaba o posto de segundo guitarrista en Screaming Trees) e o baixista Nick Oliveri. Josh Homme comanda aínda o proxecto "Desert Sessions", que xa ten unha serie de álbums lanzados a partir de 1998. John Garcia hoxe toca na banda Unida e o batería Brant Bjork ata fai pouco tempo pertencía a Fu Manchu, outro representante importante do stoner rock.

Dous álbums máis foron lanzados despois da separación de Kyuss, o primeiro deles é o disco compartido Kyuss/Queens of the Stone Age, de 1997, con sobras de estudio de Kyuss e as primeiras cancións da acabada de formar nova banda de Josh Homme. En 2000 saíu o recompilatorio Muchas Gracias: The Best of Kyuss.

Membros[editar | editar a fonte]

Discografía[editar | editar a fonte]

Ligazóns externas[editar | editar a fonte]

Páxina sobre o rock dos 90 (en portugués)