Kirk Douglas

Na Galipedia, a Wikipedia en galego.
Kirk Douglas
Kirk Douglas02b.jpg
Douglas en 1978
Nacemento Issur Danielovich Demsky
9 de decembro de 1916 (98 anos)
Amsterdam, Nova York
Nacionalidade Estados Unidos de América Estados Unidos
Profesión Actor
Cónxuxe(s) Diana Dill (1943-1951)
Anne Buydens (1954-actualidade)
Ficha na IMDb

Issur Danielovich Demsky, coñecido como Kirk Douglas, nado en Amsterdam, Nova York o 9 de decembro de 1916 é un actor e produtor de cine estadounidense de orixe bielorrusa. É o pai do actor e produtor Michael Douglas.

Traxectoria[editar | editar a fonte]

Os seus pais eran xudeus bielorrusos e o seu nome orixinal, Issur Danielovich Demsky. Dende cativo destacou nos deportes e nas lides actorais. Graduouse en Letras na Universidade de St. Lawrence. Logo de se graduar marchou a Nova York, onde conseguiu unha bolsa na Academia Americana de Arte Dramática, onde permaneceu ata 1939, con 23 anos.

En 1941, ingresa grazas a Lauren Bacall en Broadway, pero logo é chamado ó servizo militar na mariña, que cumpre en 1942 e 1943, para logo regresar a Broadway. En 1946, ós 30 anos e xa cunha certa fama colleitada en Broadway, Lewis Milestone propono como primeiro actor no filme The Strange Love of Martha Ivers, onde se revela como un actor de carácter.

En 1949, interpreta un boxeador en Champion de Mark Robson onde pola súa realista interpretación é proposto para ser recoñecido como Mellor Actor na Academia. Foi proposto en tres ocasións para un Óscar da Academia aínda que nunca o gañou. Porén foi galardoado en 1996 cun oscar honorífico pola súa dilatada carreira de 76 filmes.

Moitos filmes que interpretou son épicos pero o que máis o destaca é Spartacus de Stanley Kubrick xunto coa non menos maxistral actuación de Peter Ustinov.

A súa fama é comparable á de actores como Sir Laurence Olivier e Anthony Quinn, deu a cada un dos seus films unha marca distintiva onde a forza das súas actuacións daban a cada filme renome. Ademais codirixiu varias películas e sostivo un singular preito con Kubrick pola produción dalgunhas das súas películas o que lle restou forza en Hollywood.

Interveu tanto en comedias coma en dramas e representou personaxes duros pero de fondo moi vulnerable. Participou en numerosas producións para televisión e en 1988 publicou a súa autobiografía (The Ragman's Son).

Filmografía[editar | editar a fonte]

Véxase tamén[editar | editar a fonte]

Commons
Commons ten máis contidos multimedia sobre: Kirk Douglas

Ligazóns externas[editar | editar a fonte]