Juan Echanove
  | |
| Biografía | |
|---|---|
| Nacemento | (es) Juan Echanove Labanda 1 de abril de 1961 (63 anos)Madrid (España) |
| Datos persoais | |
| País de nacionalidade | España |
| Actividade | |
| Ocupación | actor , actor de cinema , actor de televisión , actor de teatro , presentador de televisión , director de televisión |
| Período de actividade | 1984 - |
| Membro de | |
| Lingua | Lingua castelá |
    | |
Juan Echanove Labanda, nado en Madrid o 1 de abril de 1961, é un actor español.
Traxectoria[editar | editar a fonte]
Juan Echanove estudou dereito e entrou na Escola de Arte Dramática de Madrid.[1][2] En 1986 participou no filme Tiempo de silencio, onde se deu a coñecer, e a raíz diso obtivo o papel de Cosme na serie Turno de oficio, pola que acadou certa notoriedade.[3]
Grazas ao éxito chamárono para un importante número de filmes, entre eles Divinas palabras (1987), polo que recibiu o Goya ao mellor actor secundario. A ese título seguírono Bajarse al moro, A solas contigo ou La noche más larga. En televisión protagonizou en 1991 Chicas de hoy en día.
Dous anos despois gozou do seu maior éxito profesional ao encabezar o elenco de Madregilda, de Francisco Regueiro, onde interpretou un Franco acomplexado e feble. Por este traballo gañou a Cuncha de Prata ao mellor actor do Festival de Donostia, o Goya ao mellor actor, o Premio Sant Jordi, o Premio Ondas e unha candidatura aos Premios Fotogramas de Prata. A súa intervención ese mesmo ano en Mi hermano del alma de Mariano Barroso valeulle outra candidatura aos Goya. Neses doce meses tamén participou como cantante nunha xira xunto a Víctor Manuel, Ana Belén, Pablo Milanés, Miguel Ríos, Manolo Tena, Antonio Flores, Joaquín Sabina e Joan Manuel Serrat que posteriormente se gravou nun disco titulado Mucho más que dos. Intercalou estes traballos coa xira teatral da obra El cerdo, en que levaba o peso absoluto da función.
A partir de 2000 deu prioridade á súa traxectoria teatral en obras como El verdugo ou El extraño.
Por esas datas, Echanove exerceu bastante militancia política. En febreiro de 2003 asistiu a un acto de protesta contra o terrorismo de ETA,[4] poucos días despois de ser expulsado do Congreso dos Deputados xunto a Juan Luis Galiardo, María Barranco, Ana Belén, Pilar Bardem, Jordi Dauder e Amparo Larrañaga, por lucir unha camiseta en que estaba impresa a insignia "No a la guerra" (Non á guerra).[5] En marzo de 2004, celebrou a vitoria de José Luis Rodríguez Zapatero na sede do PSOE en Madrid.[6]
Entre outono de 2005 e 2017 interpretou a Miguel Alcántara Barbadillo, irmán de Antonio Alcántara (Imanol Arias) na serie Cuéntame cómo pasó.
Filmografía[editar | editar a fonte]
Cinema[editar | editar a fonte]
- Los Japón (Álvaro Díaz Lorenzo, 2019)
- Te esperaré (Alberto Lecchi, 2017)
- No es cosa de risa (Diego Fortea e Jonathan Belles, 2016)
- Alatriste (Agustín Díaz Yanes, 2006)
- Manolete (2006)
- Bienvenido a casa (David Trueba, 2005)
- Morir en San Hilario (Laura Mañá, 2005)
- Trileros (Antonio del Real, 2003)
- Los Reyes Magos (Antonio Navarro, 2003)
- Sin noticias de Dios (Agustín Díaz Yanes, 2001)
- Adiós con el corazón (José Luis García Sánchez, 2000)
- Los años bárbaros (Fernando Colomo, 1998)
- Sus ojos se cerraron y el mundo sigue andando (Jaime Chávarri, 1998)
- Siempre hay un camino a la derecha (José Luis García Sánchez, 1997)
- Memorias del ángel caído (David Alonso, 1995)
- Suspiros de España (José Luis García Sánchez, 1997)
- Una casa a las afueras (Pedro Costa, 1995)
- La flor de mi secreto (Pedro Almodóvar, 1995)
- Madregilda (Francisco Regueiro, 1993)
- Mi hermano del alma (Manolo Barroso, 1993)
- Historias de la puta mili (Xavier Bárbara, 1993)
- Orquesta Club Virginia (Manuel Iborra, 1992)
- La noche más larga (José Luis García Sánchez, 1991)
- A solas contigo (Eduardo Campoy, 1990)
- Yo soy ésa (Luis Sanz, 1990)
- Miss Caribe (José Luis García Sánchez, 1989)
- El vuelo de la paloma (José Luis García Sánchez, 1987)
- Divinas palabras (José Luis García Sánchez, 1987)
- Bajarse al moro (Fernando Colomo, 1988)
- Adiós pequeña (Imanol Uribe, 1986)
- Tiempo de silencio (Vicente Aranda, 1986)
- La noche más hermosa (Manuel Gutiérrez Aragón, 1986)
Televisión[editar | editar a fonte]
- La huella del crimen 1: El caso del cadáver descuartizado (1985)
- Turno de oficio (1986-1987)
- Vísperas (1987)
- El mundo de Juan Lobón (1989)
- La mujer de tu vida (1990)
- Las chicas de hoy en día (Fernando Colomo, 1991)
- Hermanos de leche (1994)
- Pepa y Pepe (1995)
- Famosos y familia (1999)
- Camino de Santiago (1999)
- Cuéntame cómo pasó (2001; 2005-2017)
- La vida de Rita (2003)
- Un paso adelante (2004-2005)
- UCO (2009)
- La zona (2017)
- Paquita Salas (2019)
- El Cid (2020)
- Desaparecidos (2020)
Notas[editar | editar a fonte]
- ↑ Biografía de Juan Echanove Arquivado 04 de novembro de 2011 en Wayback Machine.. Juan Echanove.com. Consultado o 28-9-2011.
- ↑ Juan Echanove Labanda. El País.com. Consultado o 28-9-2011.
- ↑ Ficha personal de Juan Echanove. Biografias.estamosrodando.com. Consultado o 28-9-2011.
- ↑ Savater pide a PP y PSE que formen una alternativa electoral ante el nacionalismo[Ligazón morta]. Diario de Navarra.es. Consultado o 27-9-2011.
- ↑ Los actores, fuera del Congreso por mostrar camisetas pacifistas Arquivado 21 de xullo de 2019 en Wayback Machine.. Diario de León.es. Consultado o 27-9-2011.
- ↑ Una victoria 'agri' muy 'dulce'. El Mundo.es. Consultado o 27-9-2011.
| Control de autoridades |
|
|---|
