Golfo (xeografía)

Para outras páxinas con títulos homónimos véxase: Golfo.

Golfo de México.

Un golfo é unha parte do mar de grande extensión, pechada por puntas ou cabos de terra.

Aínda que moitas veces se confunde cunha baía, e non está claro onde está a fronteira entre o que é un golfo e unha baía, enténdese que estas últimas son de menor extensión.

Golfo é o nome máis común en galego. En cambio entre os falantes de inglés, portugués ou outros idiomas prefírese o nome de baía. Os golfos de grande extensión poden comprender outros golfos máis pequenos ou baías, que adoito son de menor profundidade, e que reciben os nomes de "enseada", "rada", "cala" ou "caleta".

Este tipo de accidentes xeográficos ten unha grande importancia estratéxica e económica xa que, normalmente, son lugares ideais para a construción de portos e diques.

Principais golfos do mundo

Golfos de América

• Golfo de México. 1 550 000 km²
• Golfo de Alasca. 1 531 000 km²
• Golfo de San Lourenzo. 259 000 km²
• Golfo de California, tamén chamado Mar de Cortés. 153 000 km²

Golfos de Europa

• Golfo de Biscaia. 225 000 km²
• Golfo Ártabro
• Golfo de Cádiz
• Golfo de Valencia
• Golfo de Finlandia
• Golfo de Almería

Golfos de Asia, África e Oceanía

• Golfo de Bengala. 2 172 000 km²
• Golfo da Guinea. 1 533 000 km²
• Golfo de Carpentaria. 310 000 km²
• Golfo Pérsico. 233 100 km²
• Golfo de Adén. 220 000 km²
• Golfo de Omán. 181 000 km²
• Golfo de Tonquín. 116 000 km²
• Golfo de Biafra
• Golfo de Aqaba