Epsilon

Maiúscula e minúscula da letra epsilon.

Epsilon é a quinta letra do alfabeto grego (ἔ ψιλόν); equivale ao /e/, vocal breve. Represéntase en minúscula como ε e en maiúscula como Ε. Adoita transcribirse como e.

O seu nome provén do da quinta letra do alfabeto fenicio hē, onde representaba o son /h/, laringal fricativa xorda, inexistente en grego: foi, pois, reutilizado para a notación dunha vocal, sons para os que os fenicios carecían de letra. Como signo numérico representaba o cinco. En maiúscula serve tamén para designar o quinto canto da Ilíada de Homero e en minúscula o quinto da Odisea.

Alfabeto grego

Alfa - Beta - Gamma - Delta - Epsilon - Dseta - Eta - Theta - Iota - Kappa - Lambda - Mi - Ni - Xi - Omicrón - Pi - Rho - Sigma - Tau - Ipsilon - Fi - Khi - Psi - Omega

Letras suplementarias do alfabeto grego

Digamma - Stigma - Heta - San - Sho - Qoppa - Sampi

Véxase tamén

Outros artigos

• E