Enoloxía

Na Galipedia, a Wikipedia en galego.

A enoloxía (do grego οἶνος "viño" e λόγος "coñecemento") é a ciencia, técnica e arte de producir viño. Considérase parte da horticultura.

O enólogo é, tradicionalmente, o asesor técnico responsable de dirixir o proceso de elaboración do viño, o que en inglés se coñece como "winemaker". O enólogo dirixe na adega tanto a elaboración, a almacenaxe, análise, conservación, embotellado e comercialización do viño.

Quen realiza a degustación dun viño, para resaltar as características e calidade deste, é o sommelier

Aroma[editar | editar a fonte]

Leira con parras de uva albariña na parroquia de Corvillón, Cambados.
Tractores con uva de albariño
  • Afrutado: con aroma de froitas. Froitos vermellos (grosella negra, cereixa ou framboesa) para os viños tintos e outros (pexego, damasco ou cítricos) para os viños brancos.
  • Animal: viño tinto que presenta un bouquet de coiro, caza.
  • Balsámico: incenso, alcanfor, resina, piñeiro, vainilla.
  • Empireumático: olor quente, como pan torrado, café afumado, tabaco, cacao. Pode ser positivo ou non.
  • Aroma de especies: con cheiros a especias (regalicia, canela, pementa, cravo de cheiro, noz moscada).
  • Floral: con perfume de flores (rosa, violeta).
  • Aroma de madeira: posúe un cheiro particular produto da súa crianza en barricas de carballo.
  • Vexetal: herba, folla, maleza, humus, feno cortado, pemento morrón.

Sensacións[editar | editar a fonte]

Interior dunha adega
  • Aveludado: viño suave e agradable en boca. Aplícase principalmente a tintos.
  • Áspero: viño rudo, con exceso de acidez e astrinxencia, que rasca, como é o caso dos viños tintos con taninos novos.
  • Cálido: cun grao alcohólico elevado.
  • Corpo: ten consistencia, cunha sensación gustativa de plenitude.
  • Equilibrado: harmónico.
  • Estruturado: sólido, rico en taninos.
  • Flexible: ben equilibrado, de astrinxencia e acidez débiles.
  • Xeneroso: rico en alcol.
  • Goloso: flexible e lixeiro, fácil de beber.
  • Licoroso: doce, rico en azucre.
  • Lixeiro: pobre en alcol, non é corpulento.
  • Meloso: untuoso, con sensación de veludo na boca, tamén se usa para viños doces que conteñen azucres residuais.
  • Nervioso: con sabor acedo ben marcado, pero non agresivo.
  • Redondo: equilibrado, que ten harmonía, con bo balanzo.
  • Seco: non ten ningún rastro de azucre.
  • Vigoroso: carnoso, estruturado e rico en alcol.
  • Vivo: Con forza e cor, tamén se di do viño con acidez moi notable.

Cepas[editar | editar a fonte]

Cepas máis comúns:

Tintas:

Brancas

Cepas galegas:

  • Caíño: a tinta é variedade principal na DO Ribeiro e a branca autorizada na Rias Baixas. Escasa
  • Albariño: cepa branca, variedade principal nas Rías Baixas
  • Treixadura: cepa branca, variedade principal no Ribeiro
  • Loureira
  • Lado
  • Mencía: cepa tinta, común na Ribeira Sacra e no Bierzo.
  • Godello: branca, principal en Valdeorras e no Bierzo.
  • Torrontés

Aspecto do viño[editar | editar a fonte]

  • Brillante: corresponde á cor. Pode notarse que os taninos nos viños tintos se oxidan e van tomando unha cor "tella" ou apagada, típica das sustancias oxidadas.
  • Espumoso: caracterízase polo desprendemento de burbullas de gas carbónico formadas durante a fermentación.
  • Nítido: sen materia en suspensión. Non necesariamente transparente.
  • Pernas: relativo á presenza de alcol nos viños, é a untuosidad e está ligada á súa riqueza substancial. A presenza de bágoas depende basicamente da cantidade de glicerina presente no viño e, en gran medida, da disolución desta no alcol, polo que as bágoas dependen tamén do grao alcohólico.
  • Tranquilo: viño que non efervesce, que non presenta burbullas de gas.
  • Frizante ou Frizee: viño con agregado de gas carbónico.

Temperatura do viño[editar | editar a fonte]

Tipo de viño Rango de temperatura
Viños tintos reserva 14-18° C.
Viños tintos varietales 15-16° C.
Viños brancos reserva 10-12° C.
Viños rosé 9-12° C.
Viños brancos licorosos e doces 6-8° C.
Viños de caste amargos 22-28º C.

Licenciatura en enoloxía[editar | editar a fonte]

En España, existe un título universitario oficial denominado "Licenciado en Enoloxía.[1]Trátase dun curso de segundo ciclo ao cal se accede directamente desde as licenciaturas en Química, Bioloxía, Farmacia, Enxeñería Agrónoma, Química ou Enxeñería Técnica agrícola. Os obxectivos destes estudos son "proporcionar unha formación científica adecuada nos métodos e técnicas de cultivo de viñedo, elaboración de viños, mostos e outros derivados da vide, análise dos produtos elaborados e almacenaxe, xestión e conservación dos mesmos".

Notas[editar | editar a fonte]

Véxase tamén[editar | editar a fonte]

Outros artigos[editar | editar a fonte]