Dinar

Dinar de prata cuñado en Madinat al-Salam (Bagdad) en 170 AH (786 d.C.). No reverso, a inscrición marxinal di: "Por orde do escravo de Deus Harun, Emir dos Crentes (Harún al-Rachid).

O dinar é a unidade monetaria de diversos estados do mundo, a maioría dos cales de lingua árabe ou que antigamente formaran parte do Imperio otomán, xa que historicamente foi usado en terras musulmás, desde tempos do Califato abasí de Bagdad.

A palabra "dinar" (دينار en árabe e en persa) ten a mesma orixe que o vocábulo diñeiro, xa que ambas as dúas derivan do denario (denarius) romano.

Orixe

O dinar ten a súa orixe na antiga moeda araboislámica de ouro que se empezou a cuñar a finais do século VII, e que tiña un peso que, segundo as épocas, oscilaba entre os 3,85 g e os 4,25. Nos seus inicios era unha imitación dos modelos bizantinos, pero pronto adquiriu carácter propio e definido, até o punto que foi imitado fóra dos territorios califais.

Estados que usan actualmente o dinar como moeda

• Alxeria: o dinar alxeriano
• Bahrein: o dinar de Barein
• Irán: o rial iraní divídese en 100 dinares
• Iraq: o dinar iraquí
• Kuwait: o dinar kuwaití
• Libia: o dinar libio
• Macedonia: o dinar macedonio
• Serbia: o dinar serbio
• Sudán: o dinar sudanés (antes utilizaba a libra sudanesa)
• Tunes: o dinar tunesino
• Xordania: o dinar xordano

Estados e territorios que usaran noutros tempos o dinar como moeda

• Abu Dabi: o dinar de Abu Dhabi
• Federación de Arabia do Sur: o dinar de Arabia do Sur
• Croacia: o dinar croata
• Iemen do Sur: o dinar iemení
• Iugoslavia: o dinar iugoslavo
• República da Krajina Serbia: o dinar reformado da Krajina
• República Serbia: o dinar da República Serbia
• Sudán: o dinar sudanés