República Serbia

Na Galipedia, a Wikipedia en galego.
Republika Srpska
Република Српска
Bandeira da República Serbia Escudo da República Serbia
Bandeira Escudo
Himno: Moja Republika[1]
 
Bosnia and Herzegovina, administrative divisions - en (entities) - colored.svg
 
Estado Flag of Bosnia and Herzegovina.svg Bosnia e Herzegovina
Capital
 • Poboación
Banja Luka (de facto)
Saraxevo (de iure)
Linguas
 • Oficiais

Serbio, bosníaco e croata
Estatus
 • Presidente
Rexión autónoma
Milorad Dodik
Autonomía política
Proclamación
Recoñecemento de Bosnia e Herzegovina
9 de xaneiro de 1992
14 de decembro de 1995
Superficie
 • Total
 • % auga
Fronteiras
Costas

24.857 km²

km
km
Poboación
 • Total
 • Densidade

1.326.991 (2013)
53,3 hab./km²
Xentilicio
Fuso horario UTC+1
Dominio de Internet n/d
Prefixo telefónico ++387
Código ISO
Subdivisións de Bosnia e Herzegovina

A República Serbia[2] (en adiante RS) (serbio: Република Српска) é unha das dúas entidades políticas que forman Bosnia e Hercegovina. A outra é a Federación de Bosnia e Hercegovina.

  • Superficie: 24.811 km²
  • Poboación: 1.490.993 habitantes

Nome[editar | editar a fonte]

A República Serbia é chamada de xeito común na prensa e medios oficiais Republika Srpska.[3] Segundo as regras das linguas eslavas, Srpska (ou sexa de Serbia), pode ser tanto un adxectivo como un nome propio. Por mor da posible confusión entre a República Serbia (parte de Bosnia e Hercegovina á que se refire este artigo) e a República de Serbia (ou Serbia, país independente), en ocasións o nome Republika Srpska déixase sen traducir nos países non eslavos para evitar confusións.

Demografía[editar | editar a fonte]

A RS comprende o 48% da superficie do país, e ten aproximadamente o 34% da poboación. Estes datos como case todos os da antiga Iugoslavia son estimacións, xa que o derradeiro censo oficial tivo lugar en 1991[4]. O 88,4% da poboación é serbia, bosnios 10,7% e croatas 0,9%. Durante as guerras dos Balcáns a rexión recibiu a refuxiados serbocroatas e serbobosnios doutras partes da antiga Iugoslavia.

Historia[editar | editar a fonte]

Trala independencia de Eslovenia e Croacia da antiga Iugoslavia o 24 de outubro de 1991, créase a Asemblea Serbobosnia para defender os intereses serbobosnios dentro da antiga República Iugoslava de Bosnia e Hercegovina. Esta asemblea organizou un referendo para manterse unidos a Iugoslavia no caso de independencia de Bosnia e Hercegovina. O líder do principal partido serbiobosníaco Radovan Karadzic organizou as "Provincias Autónomas Serbias" e posteriormente declarou os territorios como República do Pobo Serbio de Bosnia e Hercegovina (Република српског народа Босне и Херцеговина). Isto foi declarado inconstitucional polo goberno de Saraxevo, que votou unha nova constitución secesionista de Iugoslavia (caso análogo á da República Krajina de Serbia en Croacia).

En marzo de 1992 proclámase a independencia de Bosnia e Hercegovina co desacordo dos serbobosníacos(un terzo da poboación). Como reacción a República Serbia de Bosnia e Hercegovina declarou a súa independencia o 7 de abril, e o 12 de agosto eliminaba a referencia a Bosnia e Hercegovina no nome quedando só en Republika Srpska. Forzas paramilitares serbias e o exército iugoslavo (JNA, mandado polos serbios pero non formado unicamente por serbios) intentaron impedir a secesión bosníaca.

De 1992 a 1995, é dicir, durante a guerra de Bosnia, os serbobosnios da República Serbia era un dos tres bandos enfrontados: os outros dous eran os bosníacos e os bosníacocroatas da República Croata de Herzeg-Bosnia. Durante a guerra e segundo o Tribunal Internacional para a Antiga Iugoslavia, os serbobosníacos abriron campos de concentración, levaron a cabo masacres masivos (ver masacre de Srebrenica) e actos de xenocidio e limpeza étnica da poboación non serbia.

Segundo o Acordo de Paz de Dayton, a República Serbia ficaría co 49% do territorio de Bosnia e Hercegovina e recoñeceríaselle o status de entidade propia en confederación coa Federación de Bosnia e Hercegovina para formar Bosnia e Hercegovina.

Por mor da guerra e dos desprazamentos forzosos de poboación, a transición á economía de mercado vese complicada. O Alto Representante para Bosnia e Hercegovina tivo que apartar dos seus cargos a moitos dirixentes serbiobosníacos acusados de corrupción ou de crimes de guerra. Debido ó referendo de Montenegro e a cada vez maior insatisfacción dos serbiobosníacos co goberno de Saraxevo, moitos queren convocar un referendo de seu, aínda que a comunidade internacional non acepta a lexitimidade dun referendo convocado por unha das entidades do Acordo de Dayton.

O 1 de xaneiro de 2006 a República Serbia deixou de xeito oficial de ter forzas armadas como reivindicación da OTAN para un acordo de cooperación con Bosnia e Hercegovina. Pese a que Saraxevo é a capital de iure da República Serbia, Banja Luka é a capital de facto, coa maioría das sedes do goberno rexional.

Notas e referencias[editar | editar a fonte]

  1. (en serbio) Srpska – Portal javne uprave Republike Srpske: Simboli at the Governament of Republika Srpska official website (consultado o 17 de maio de 2012).
  2. Nome en galego empregado, por exemplo, en publicacións do IGADI como Un estatuto final para Kosovo ou A Krajina e os que sentan na Haia.
  3. Por exemplo en: "A defensa de Karadzic negará a existencia do xenocidio de Srebrenica" (en galego). Galicia Hoxe. http://www.galiciahoxe.com/index_2.php?idMenu=82&idEdicion=970&pag1=1&idNoticia=331064. Consultado o 25 de novembro de 2014.
  4. Datos do censo

Véxase tamén[editar | editar a fonte]

Commons
Commons ten máis contidos multimedia na categoría: República Serbia

Ligazóns externas[editar | editar a fonte]