Copa do Rei de Rugby 2015-2016

Copa do Rei

2014-2015 << 2015-2016 >> 2016-2017 O rei Filipe VI entregando a copa ó El Salvador.
Organizador	F.E.R.
Edición	83ª
Equipos	7
Campión	CR El Salvador
Finalista	VRAC

Na tempada 2015-2016 disputouse a 83ª edición da Copa do Rei de rugby, o torneo nacional máis antigo do rugby español. Organizado pola F.E.R., tiñan dereito a competir no torneo os sete equipos que ocupasen os primeiros postos na táboa da División de Honra unha vez rematada a primeira volta da liga regular. A UE Santboiana, que a esas alturas da liga ocupaba un deses sete primeiros postos, tiña pendente unha sanción que lle impedía disputar a Copa do Rei durante dous anos por mor da súa renuncia do ano anterior, de xeito que o dereito a participar nesta edición do torneo estendeuse ó oitavo equipo da liga. A final tivo lugar no Estadio José Zorrilla de Valladolid o día 17 de abril, e nela enfrontáronse os dous equipos da cidade, o V.R.A.C. e mailo C.R. El Salvador. O resultado foi de 13-9 a prol do conxunto "chamizo", que gañou así a súa sétima Copa do Rei.

Formato

O formato do torneo conta con 3 fases eliminatorias:

• Cuartos de final: Eliminatoria a un único encontro. Emparellamentos por sorteo puro. O VRAC, campión de liga e copa o ano anterior, quedou exento desta fase eliminatoria debido á súa falta de datas por mor da participación do equipo en competicións europeas.
• Semifinais: Eliminatoria a un único encontro. Emparellamentos por sorteo puro. O VRAC tivo que aceptar a condición de xogar esta eliminatoria como visitante a cambio de quedar exento na fase de cuartos de final.
• Final: Un único encontro xogado nun campo elixido pola Federación Española de Rugby.

Participantes

Os sete equipos participantes saíron do campionato nacional de liga na súa División de Honra. Acadaban o dereito a participar na Copa do Rei os sete primeiros equipos da táboa ó remate da primeira volta, coa excepción da UE Santboiana, sancionada.

Así quedou a táboa da liga trala primeira volta. VRAC e Barcelona tiñan un encontro adiado. Os sete equipos clasificados para disputar a Copa do Rei están marcados en cor azul:

Posto	Equipo	Puntos	PX	PG	PE	PP	P+	P-	BO	BD
1º.	VRAC	43	10	9	0	1	332	178	7	0
2º.	El Salvador	42	11	9	0	2	399	228	6	0
3º.	Alcobendas	39	11	8	0	3	335	230	6	1
4º.	Santboiana	37	11	7	0	4	372	233	6	3
5º.	Independiente	34	11	7	0	4	312	237	5	1
6º.	Cisneros	33	11	7	0	4	282	250	4	1
7º.	Ordizia	29	11	5	0	6	297	281	5	4
8º.	Getxo	22	11	4	0	7	252	350	5	1
9º.	Hernani	19	11	4	0	7	182	389	3	0
10º.	Barcelona	15	10	3	0	7	190	314	1	2
11º.	Gernika	13	11	2	0	9	249	347	1	4
12º.	CRC	5	11	0	0	11	182	347	1	4

Torneo

Encontro de semifinais entre o Independiente R.C. e o C.R. El Salvador en Santander.

O público de Valladolid encheu o Estadio José Zorrilla (26.100 espectadores) para ver a final entre os dous equipos da cidade, El Salvador e VRAC.

• Cuartos de final: Encontro único (10 de xaneiro de 2016)
  • Getxo 19-27 Independiente
  • El Salvador 12-6 Cisneros
  • Ordizia 13-32 Alcobendas
  • VRAC exento
• Semifinais: Encontro único (31 de xaneiro de 2016)
  • Independiente 12-26 El Salvador
  • Alcobendas 20-25 VRAC
• Final: Encontro único (17 de abril de 2016)
  • El Salvador 13-9 VRAC

Cadro da competición

	Cuartos de final				Semifinais				Final
	Getxo	19
	Independiente	27
					Independiente	12
					El Salvador	26
	El Salvador	12
	Cisneros	6
									El Salvador	13
									VRAC	9
	Ordizia	13
	Alcobendas	32
					Alcobendas	20
					VRAC	25
	VRAC	Exento

Véxase tamén

Ligazóns externas

• Páxina oficial da Federación Española de Rugby (en castelán)