Conversa usuario:Jockerouac

Dámosche a benvida á Galipedia, Jockerouac! Esta é a túa páxina de conversa, que che servirá para recibires mensaxes doutros colaboradores. Ademais, tes a túa páxina de usuario, onde podes poñer os teus datos, intereses etc.
Primeiros pasos Os alicerces da Wikipedia son estes Cinco piares, polo que é importante que lle botes unha ollada. Na guía de edición e nas preguntas frecuentes podes atopar moita información de axuda. Explícase como editar unha páxina, como configurar a interface, como cargar ficheiros, citar as fontes e os puntos básicos das políticas e normas da Wikipedia. Non precisas de coñecementos técnicos para contribuír aquí. Anímate a contribuír e presupón boa fe con respecto ás intencións dos outros colaboradores. Isto é un wiki, polo que é realmente doado contribuír. Se o desexas podes crear un artigo, paso a paso, coa axuda do noso asistente. Onde atopar axuda Hai máis información dispoñible na páxina de axuda e no Portal da comunidade. Pódeste pór en contacto co resto das persoas que editamos na Galipedia na Taberna da Galipedia. Tamén podes contactar cos administradores na súa páxina de conversa ou no Taboleiro dos administradores.		Recomendacións Para responder a unha mensaxe doutra persoa tes que facelo na súa páxina de conversa, se non, non lle sairá o aviso de que ten mensaxes novas e é moi posíbel que non se decate da túa resposta. Por favor, engade sempre a túa sinatura nas páxinas de conversa escribindo ~~~~.   Se o desexas, podes axudarte do revisor ortográfico, activándoo en: Preferencias → Trebellos → Navegación → Ortografía: Activar o revisor ortográfico. Cometiches un erro? Queres avisar dun erro que cometiches e que non sabes como solucionar? Deixa unha mensaxe na páxina de conversa dese artigo, comunícao na Taberna ou coméntallo a outra persoa. Todos cometemos erros, é normal, e sempre estamos dispostos a axudar a quen comeza.

Boa estadía e bo traballo. Ánimo e a darlle duro. Un saúdo.--MAGHOI (conversa) 9 de xaneiro de 2021 ás 17:23 (UTC)

Axudas ortográficas

Ola Jockerouac. Asemella que tes algunha dificultade coa ortografía.

Se queres, podes botar man das seguintes ferramentas:

• O corrector ortográfico en liña de galego do Seminario de Lingüística Informática da Universidade de Vigo.
• O corrector ortográfico de Firefox do Proxecto Trasno.
• O revisor ortográfico da Galipedia: activándoo en: Preferencias → Trebellos → Navegación → Ortografía: Activar o revisor ortográfico   (para empregalo é imprescindible acceder ao sistema como usuario rexistrado).

Tes máis axuda en: como mellorar a ortografía.

Moitas grazas, un saúdo e a seguir!--. HombreDHojalata.^conversa 9 de xaneiro de 2021 ás 23:43 (UTC)

Prevalencia

Ola Jockerouac. Creaches o artigo prevalenza, que eu entendo que en galego debería ser prevalencia. Fixen un par de pescudas e, se ben non atopei nin prevalencia nin prevalenza, atopei valencia. Miraches prevalenza nalgunha fonte que poida decidirnos por esa forma? Moitas grazas. Para todas as dúbidas que teñas, estou aquí para axudar. Un saúdo. --Xabier Cid Talk 2 me, please 12 de xaneiro de 2021 ás 19:07 (UTC)

• Tes razón, fixen a adaptación seguindo o portugués, pero quizais sería mellor redirixilo a prevalencia.--Jockerouac (conversa) 12 de xaneiro de 2021 ás 19:12 (UTC)

Recoñecemento cando se traduce doutra Wikipedia

Ola Jockerouac.

Por favor, ten en conta que os textos da Wikipedia, en tódalas linguas, publícanse baixo CC BY-SA, e entre os requirimentos desta licenza está o recoñecemento. Isto quere dicir que cando se traen, traducíndoos, contidos doutras wikipedias, cómpre recoñecer a súa orixe/autoría.

Na Wikipedia en galego adoitamos facelo dunha das seguintes dúas maneiras:

• A maneira máis doada, e empregada, é deixar constancia no cadro Resumo. Exemplos:

→

→ Esta achega é unha tradución do artigo da Wikipedia en castelán: [[:es:Cristóbal Colón]]

→ Este artigo contén material procedente dos artigos das Wikipedias en inglés e portugués: [[:en:Europa]] e [[:pt:Europa]]

→ A primeira edición deste artigo procede da tradución e adaptación do artigo homónimo da Wikipedia en lingua_que_sexa

→ Tradución da versión http://pt.wikipedia.org/w/index.php?title=Albert_Einstein&oldid=11330571 do artigo da Wikipedia en portugués

• Alternativamente ou complementariamente, tamén se pode facer constar na páxina de conversa do artigo, por exemplo empregando o modelo {{Traducido de}}.

Moitas grazas, un saúdo e a seguir!--. HombreDHojalata.^conversa 14 de xaneiro de 2021 ás 08:39 (UTC)

Ana Dopazo González

Boas, o artigo Ana Dopazo González, que creaches ti, ten o marcador de curto de máis, a ver se podes amplialo un pouco máis. Saúdos, MAGHOI (conversa) 4 de marzo de 2021 ás 09:35 (UTC)

• • Estou a procurar información nalgunha fonte escrita porque é case que imposíbel atopar algo desa personalidade na internet. Se tiver algunha fonte agradeceríao --Jockerouac (conversa) 16 de marzo de 2021 ás 09:50 (UTC)

Acuario do Grove

Boas noites, Kerouac. No artigo sobre o acuario do Grove dis que posúe "22 tanques que albergan diferentes especies de auga doce e salgada, tiburóns e mamíferos mariños". Hai xa anos que non entro no Acuario -creo que desde o ano 2000- pero paréceme imposible que teña tanques con mamíferos mariños. O tamaño das instalacións fai imposible expor estes animais, e a ausencia de calquera mención na web do establecemento reforza a idea de que non forman parte das súas especies. Outra cousa é que teñan (hai anos si que tiñan pero xa non sei se seguirán téndoa agora) un tanque para recuperación de exemplares varados, sexan golfiños, toniñas, lobos mariños ou tartarugas, que levaban alí a ser atendidos polos compañeiros da CEMMA (inimigos acérrimos de cetáceos en catividade), pero eran estancias ocasionais, ata que se recuperaran e eran liberados, ou ata a morte do animal, e non se permitía o acceso ó público a esa sección. Tamén tiñan, e supoño que seguirán alí expostos, esqueletos de cetáceos varias especies de cetáceos e unha reprodución en poliestireno ou resina que fixera un da SGHN de Ferrol. Intentarei confirmar este dato la proxima semana. Mentres tanto, un saúdo, Pedro Lameiro ^(conversa) 31 de xullo de 2022 ás 00:25 (UTC)

• Ata onde sei teñen un taque de lontras, que non sei se se poden considerar mamíferos "mariños" pero era ao que me refería. Obviamente non contan con cetáceos pois, como dis, as intalacións non o admiten. Igualmente estou aberto e agradecido coas correccións. --Jockerouac (conversa) 1 de agosto de 2022 ás 11:05 (UTC)
  • Corrixido, logo, xa que por "mamíferos mariños" entendemos cetáceos e focas. Grazas. Pedro --Lameiro ^(conversa) 1 de agosto de 2022 ás 16:18 (UTC)

Wikidata

Ola, Jockerouac! Como vai?

Quería darche as grazas e os parabéns pola creación e mellora de artigos. Non obstante, quería tamén pedirche que cando crees un artigo novo, lle fagas o elemento correspondente en Wikidata, e cando fagas unha tradución, engadas a descrición e a etiqueta do artigo en galego ao elemento en Wikidata xa existente. Por exemplo, ao artigo Síndrome do intestino irritable correspóndelle o d:Q838966, que aínda non ten descrición nin etiqueta en galego. E o artigo Acuario do Grove aínda non ten Q en Wikidata.

Anímote a probar a facelo, botándolle un ollo a elementos similares xa existentes para facerte unha idea de como levalo a cabo. Como o ves?

Un saúdo! --Estevo(aei)^{fálame aquí} 4 de agosto de 2022 ás 06:05 (UTC)

• Ola. Grazas pola recomendación. Non teño experiencia en facelo, pero hei de probalo.--Jockerouac (conversa) 4 de agosto de 2022 ás 11:30 (UTC)

mover títulos

Ola, Jockerouac! Para outra vez, en vez de borrar o contido dun artigo e pegalo nun título novo, emprega o botón de "mover". Así conservarase o historial do artigo, móvese tamén a páxina de conversa e fanse de forma directa os cambios en Wikidata.

Deixei como páxina de homónimos Francisco López Fernández, e como entrada para o futbolista Fran López, sen necesidade de parénteses. Un saúdo! --Estevo(aei)^{fálame aquí} 15 de febreiro de 2023 ás 11:15 (UTC)

• Perfecto, queda para outra.--Jockerouac (conversa) 15 de febreiro de 2023 ás 11:19 (UTC)

Modelo:Usuario Wikiproxecto Celta

Ola, Jockerouac! Fixen o Modelo:Usuario Wikiproxecto Celta, por se queres incluílo na túa páxina de usuario. Un saúdo! --Estevo(aei)^{fálame aquí} 22 de febreiro de 2023 ás 13:37 (UTC)

Carlos Carvalhal

Boas, o artigo Carlos Carvalhal, que creaches ti, ten o marcador de curto de máis, a ver se podes amplialo un pouco máis. Saúdos, MAGHOI (conversa) 11 de marzo de 2023 ás 20:43 (UTC)