Cantón de San Galo

Cantón de San Galo Kanton Sankt Gallen

Bandeira Escudo

Estado Suíza Capital  • Poboación  • Coordenadas San Galo 71.126 (2007) n/d Linguas Alemán  • Oficiais Alemán Estatus Cantón Ingreso 1803 Superficie  • Total  • % auga Fronteiras Costas Posto 6º 2.026 km² n/d n/d km 0 km Poboación  • Total  • Densidade Posto 5º 465.937 230 hab./km² Xentilicio Fuso horario  • en verán UTC+1 UTC+2 Dominio de Internet .ch Prefixo telefónico n/d Prefixo radiofónico n/d Código ISO CH-SG Kanton Sankt Gallen Subdivisións de Suíza

O cantón de San Galo (en alemán: Sankt Gallen, francés Saint-Gall, italiano San Gallo, romanche: Sogn Gagl) é un cantón suízo. Atópase no nordeste de Suíza, ten unha superficie de 2.026 km.

Xeografía

O cantón está situado no nordeste de Suíza, limita ao norte co Lago Constanza (Bodensee). Ao leste áchase o val do Rin. Á beira contrario deste atópanse Austria e Liechtenstein. Ao sur limita cos cantóns de Grisóns, Glaris e Schwyz. Ao oeste áchase o cantón de Zúric e ao norte o cantón de Turgovia.

Os dous cantóns de Appenzell Interior e Appenzell Exterior están rodeados completamente polo territorio do cantón de San Galo.

Historia

O cantón de San Galo está constituído polos territorios adquiridos pola Abadía de San Galo co pasar dos séculos. Formou parte do cantón de Säntis durante a época da República Helvética. Isto só foi posible logo de haber secularizado a Abadía en 1798. En 1803 a rexión uniuse á Confederación Suíza como cantón de Sankt Gallen. A constitución cantonal foi introducida en 1890.

Economía

A actividade agrícola consiste basicamente na cría de gando e a produción de queixos na área da montaña. Na planicie predomina a produción de froitas e viños, aínda que existe tamén a gandería.

A industria cantonal comprende: óptica, pirotécnica, química e farmacéutica. O turismo desempeña un papel importante en moitos lugares vacacionais, como as fontes termais de Bad Ragaz e un gran número de estacións de inverno.

Ingresos (en millóns de CHF): 18 347 fr

Distritos

O cantón estaba subdividido en quince distritos, pero a partir de xaneiro de 2003 repartiuse en oito circunscricións electorais:

• Rheintal (corresponde á fusión dos distritos de Oberrheintal e Unterrheintal)
• Rorschach (corresponde ao distrito de Rorschach)
• distrito de San Galo (corresponde á fusión dos distritos de Sankt Gallen e Gossau)
• Sarganserland (corresponde ao distrito de Sargans)
• See-Gaster (corresponde aos distritos de See e Gaster)
• Toggenburg (corresponde aos distritos de Untertoggenburg, Alttoggenburg, Obertoggenburg e Neutoggenburg)
• Werdenberg (corresponde ao distrito de Werdenberg)
• Wil (corresponde aos distritos de Wil e Untertoggenburg)

Cidades

Cidades do cantón (con máis de 10.000 habitantes):

• Sankt Gallen (70.000)
• Jona (17.061)
• Gossau (16.941)
• Wil (16.443)
• Uzwil (11.997)
• Altstätten (10.372)
• Buchs (10.255)