Raias

Na Galipedia, a Wikipedia en galego.
(Redirixido desde "Batoidea")
Batoideos
(Batoidea)
Raias

Rango fósil: triásico - actualidade [1]
Raia aguia (Aetobatus narinari)
Raia aguia (Aetobatus narinari)
Clasificación científica
Dominio: Eukaryota
Reino: Animalia
Superfilo: Deuterostomia
Filo: Chordata
Subfilo: Vertebrata
Infrafilo: Gnathostomata
Clase: Chondrichthyes
Subclase: Elasmobranchii
Superorde: Batoidea
(non válido; nome válido: Rajiformes) [2]
Ordes
  • Véxase o texto

Co nome común de raias coñécense os peixes cartilaxinosos que integran, segundo algúns autores, a superorde dos batoideos (Batoidea), da subclase dos elasmobranquios (Elasmobranchia), aínda que o termo raia designa máis especificamente ás especies da orde dos raiformes (Rajiformes).

Os batoideos están moi emparentados cos selaquimorfos (Selachimorpha) ou tiburóns e, de feito, os batoideos novos son moi parecidos a estes.

Características[editar | editar a fonte]

Posúen esqueleto cartilaxinoso e as aberturas branquiais na cara ventral do corpo, baixo as aletas pectorais (polo que se denominan hipotremos ou hipotremados); as devanditas aletas pectorais están moi ensanchadas e únense por diante cos lados da cabeza para formaren un ángulo anterior ou bico. Carecen de aleta anal. O corpo é basicamente aplanado.

Os ollos e os espiráculos están situados na cara dorsal; os ollos carecen de membrana nictitante. As mandíbulas poden proxectarse cara adiante na maioría das especies.

Reprodución[editar | editar a fonte]

Os ovos dos batoideos, a diferenza dos doutros peixes, son fecundados dentro do corpo da femia. Excepto os da familia dos Rajidae, incúbanse dentro da femia e as crías nacen vivas (ovovivíparos).

As femias da familia dos Rajidae poñen ovos fecundados. Estes son rectangulares, planos e brandos, con catro rabos nas esquinas para suxeitarse ás algas.

Hábitat[editar | editar a fonte]

Son animais mariños, cunha distribución cosmopolita en augas tropicais e subtropicais, temperadas ou frías, moitas especies en augas costeiras e algunhas en augas profundas. Só algunhas especies, como as mantas, viven en mar aberto.

Algúns batoideos poden vivir en baías e estuarios lixeiramente salgados.

Cara inferior da cabeza dunha raia. Nótense as cinco aberturas branquiais.

Alimentación[editar | editar a fonte]

A maior parte dos batoideos posúen unha dentadura pesada e roma para romper as cunchas dos moluscos e algúns peixes. As mantas aliméntanse de plancto.

Clasificación[editar | editar a fonte]

Notas[editar | editar a fonte]

  1. Stevens, J. & Last, P. R. (1998). Encyclopedia of Fishes. Paxton, J. R. & Eschmeyer, W. N.. p. 60. ISBN 0-12-547665-5.
  2. ITIS Batoidea (en inglés) Consultada o 7/11/2012.

Véxase tamén[editar | editar a fonte]

Commons
Commons ten máis contidos multimedia sobre: Raias
Wikispecies-logo.svg
Wikispecies posúe unha páxina sobre: Raias

Outros artigos[editar | editar a fonte]