Augamariña

Na Galipedia, a Wikipedia en galego.

Este artigo trata sobre o mineral, para a cor véxase o artigo Augamariña (cor).

Augamariña
Aquamarine P1000141.JPG
Augamariña coa súa típica cor celeste
Fórmula química: Be3Al2Si6O18::Fe
Clase: Silicatos
Subclase: Ciclosilicatos
Sistema cristalino: Hexagonal
Cor: Azul verdosa
Brillo: Vítreo
Dureza: 7,5-8
Fractura: Concoidea
Exfoliación: Moi imperfecta
Raia: Branca
Densidade: 2,68-2,72 g/cm3

A augamariña (do latín aqua marinā que significa auga do mar, en referencia á súa cor) é un mineral da clase dos silicatos cuxa fórmula química é Be3Al2Si6O18 e que é unha variedade do berilo.

Aspecto[editar | editar a fonte]

A augamariña preséntase en forma de cristais prismáticos hexagonais de cor azul verdosa. Esta cor é debida á inclusión na súa composición de partículas de ferro. Se o ferro que aparece é Fe2+ a súa cor será azulada e pola contra se é Fe3+ a súa coloración volverase un pouco máis verdosa.

Galería de imaxes[editar | editar a fonte]

Lugares onde se atopa[editar | editar a fonte]

A augamariña é un mineral de orixe magmática que acostuma formarse a temperaturas de uns 800 °C. Fai presenza en pegmatitas, en xistos micáceos e en filóns hidrotermais de calcio.

Moitos son os xacementos de augamariña que hai espallados polo mundo. Pódense atopar augamariñas na India, nos Estados Unidos e en moitos países de África, aínda que as explotacións máis importantes encóntranse no Brasil.

Usos da augamariña[editar | editar a fonte]

É moi apreciada no mundo da xoiería e polos coleccionistas.

Outros silicatos[editar | editar a fonte]

O cuarzo, o feldespato e a mica son outros silicatos importantes.

Véxase tamén[editar | editar a fonte]