Actinomyces

Na Galipedia, a Wikipedia en galego.
Actinomyces
Imaxe de microscopio electrónico de varrido de Actinomyces israelii.
Imaxe de microscopio electrónico de varrido de Actinomyces israelii.
Clasificación científica
Dominio: Bacteria
Filo: Actinobacteria
Clase: Actinobacteria
Orde: Actinomycetales
Familia: Actinomycetaceae
Xénero: ''Actinomyces''
Harz 1877
Especies

A. bovis
A. bowdenii
A. canis
A. cardiffensis
A. catuli
A. coleocanis
A. dentalis
A. denticolens
A. europaeus
A. funkei
A. georgiae
A. gerencseriae
A. graevenitzii
A. hongkongensis
A. hordeovulneris
A. howellii
A. humiferus
A. hyovaginalis
A. israelii
A. marimammalium
A. meyeri
A. naeslundii
A. nasicola
A. neuii
A. odontolyticus
A. oricola
A. radicidentis
A. radingae
A. slackii
A. streptomycini
A. suimastitidis
A. suis
A. turicensis
A. urogenitalis
A. vaccimaxillae
A. viscosus

Actinomyces é un xénero de bacterias Gram positivas da clase das actinobacterias. As Actinomyces son anaeróbicas facultativas (coa excepción de A. meyeri, que é anaeróbica estrita). Todas as especies crecen mellor en condicións anaeróbicas. As especies deste xénero non forman endosporas, e son de forma bacilar, pero as súas colonias forman redes ramificadas parecidas ás hifas de fungos (antes recibían o nome de actinomicetos).[1] O aspecto desta colonias fixo que inicialmente se pensase erradamente que eran fungos, e explica que o seu nome "Actinomyces" en grego signifique "fungo de raios".

Os Actinomyces son coñecidos por causaren doenzas nos humanos, e polo importante papel que desempeñan na ecoloxía do solo. Producen varios encimas que axudan a degradar material orgánico vexetal, lignina, e quitina. A súa presenza é importante para a formación de compost.

Xenómica[editar | editar a fonte]

As árbores filoxenéticas baseadas nas secuencias dos ARNr de 16S indican que o xénero Actinomyces é bastante diverso, e mostra unha ramificación polifilética en varios grupos distintos. O xénero Actinomyces e Mobiluncus forman un clado monofilético na árbore filoxenética construída usando as secuencias das proteínas RpoB, RpoC e ADN xirase B. Este clado está tamén moi apoiado pola presenza nel dun indel sinatura conservado formado por unha inserción de 3 aminoácidos na isoleucina-ARNt sintetase, xa que se encontra só nas especies dos xéneros Actinomyces e Mobiluncus.[2]

Patoloxía[editar | editar a fonte]

As especies de Actinomyces están normalmente presentes nas enxivas e son a causa máis común de infección en intervencións odontolóxicas e abscesos orais. Moitas especies de Actinomyces son patóxenos oportunistas de humanos e outros mamíferos, especialmente na cavidade oral.[3] En raros casos, estas bacterias poden causar actinomicose, que é unha doenza caracterizada pola formación de abscesos na boca, pulmóns, ou tracto gastrointestinal.[4] A actinomicose é causada con maior frecuencia pola especie Actinomyces israelii, a cal pode tamén causar endocardite, aínda que os síntomas resultantes poden ser similares aos producidos por infeccións por outras bacterias.[5][6] Aggregatibacter actinomycetemcomitans foi identificada na enfermidade periodontal.

Galería de imaxes[editar | editar a fonte]

Notas[editar | editar a fonte]

  1. Holt JG (editor) (1994). Bergey's Manual of Determinative Bacteriology (9th ed.). Williams & Wilkins. ISBN 0-683-00603-7.
  2. doi 10.1128/MMBR.05011-11
    Esta cita ha completarse automaticamente nos vindeiros minutos. Pode vela na cola ou expandila á man
  3. Madigan M; Martinko J (editors). (2005). Brock Biology of Microorganisms (11th ed.). Prentice Hall. ISBN 0-13-144329-1.
  4. Bowden GHW (1996). Actinomycosis in: Baron's Medical Microbiology (Baron S et al., eds.) (4th ed.). Univ of Texas Medical Branch. (via NCBI Bookshelf) ISBN 0-9631172-1-1.
  5. Lam, S; Samraj, J; Rahman, S; Hilton, E (April 1993). "Primary actinomycotic endocarditis: case report and review.". Clinical infectious diseases : an official publication of the Infectious Diseases Society of America 16 (4): 481–5. PMID 8513051.
  6. Adalja, AA; Vergis, EN (August 2010). "Actinomyces israelii endocarditis misidentified as "Diptheroids".". Anaerobe 16 (4): 472–3. PMID 20493959.

Véxase tamén[editar | editar a fonte]

Ligazóns externas[editar | editar a fonte]