Aberdeen, Escocia
Coordenadas: 57°09′09″N 2°06′36″W / 57.1526°N 2.1100°W
Aberdeen (Obar Dheathain en gaélico escocés, Aiberdeen en escocés) é unha cidade de Escocia, un dos principais portos do Reino Unido e a terceira cidade escocesa por poboación: 212.125 habitantes (2001). Polas súas canteiras de granito coñécese como a cidade do granito.
Índice |
Historia [editar]
A primeira referencia que temos é o itinerario da incursión feita por Severo no norte de Escocia no século III, no que Aberdeen recibe o nome de Devana, isto é cidade ás beiras do Deva (ou Dee). Aínda que o lugar non adquirirá importancia ata 1179 cando Guillerme o León concédelle un foro, confirmado posteriormente por David I.
En 1336 Eduardo III de Inglaterra queima a cidade, axiña reconstruída e ampliada, co nome de Nova Aberdeen.
Os arquivos municipais son os máis antigos de Escocia, datan de 1398.
Lingua [editar]
A lingua tradicional da cidade é o scots (unha lingua xermánica), aínda que hoxe a lingua máis falada é o inglés.
O gaélico escocés é falado por un 0'66% da poboación, á que lle hai que engadir un 0'54% que o entende (2001).
Relixión [editar]
O 42.4% dos habitantes da cidade non profesa ningunha relixión, o 37.4 % pertence á Igrexa de Escocia, o 5.6% á Igrexa católica, o 7.5% a outras igrexas cristiáns e o 0.8% ao Islam.
Economía [editar]
As industrias relacionadas co petróleo e o gas son as maiores fontes de riqueza da cidade.
As tradicionais industrias pesqueiras e agrícolas completan a súa economía.
Universidades [editar]
45.000 estudantes realizan os seus estudos nas tres universidades da cidade: Universidade de Aberdeen, Universidade Robert Gordon e o Aberdeen College.
Cidades irmás [editar]
Aberdeen está irmandada con:
Véxase tamén [editar]
Ligazóns externas [editar]
