Xoán XVI, antipapa

Xoán XVI, antipapa
	;
Biografía
Nacemento	945 ; Rossano
Morte	26 de agosto de 1001 (Gregoriano) (55/56 anos); Abadia de Fulda
Antipapa
	997 – 998
Abade
Roman Catholic Bishop of Piacenza (en)
Datos persoais
Relixión	Igrexa católica
Actividade
Ocupación	sacerdote católico
Orde relixiosa	Orde de San Bieito
Descrito pola fonte	Dicionario Enciclopédico Brockhaus e Efron; The Nuttall Encyclopædia >>>:John XVI.; Encyclopædia Britannica

Xoán XVI^[1] (de nome Xoán Filigato), nado en Rossano (Italia) e finado en Fulda (Alemaña) en 1013, foi un antipapa de 997 a 998.

Traxectoria

Nacido nos territorios bizantinos do sur de Italia, foi capelán de Teófano, a nai do emperador Odón II ata que, tras actuar como legado imperial en Italia, foi nomeado abade de Nonantula, e posteriormente, titor do fillo de emperador, o futuro Odón III.

Nomeado bispo de Piacenza, foi enviado a Constantinopla coa misión de concertar o matrimonio de Odón III. Ao regresar a Roma, o papa Xoán XV acababa de falecer e fora elixido, imposto polo emperador pero co rexeitamento da nobreza e o pobo romano, Gregorio V.

Cando o emperador, que acudira a Roma para ser coroado por Gregorio V, abandonou Italia, a nobreza romana, encabezada por Crescencio II, elixiu e sentou na cadeira de San Pedro a Xoán Filigato.

O nomeamento do antipapa Xoán XVI fixo que, en 998, o emperador Odón III volvese, á fronte do seu exército, a Roma onde tras restaurar a Gregorio V, capturou ao antipapa e ordenou que lle arrincasen os ollos, lle cortasen a lingua, as orellas e o nariz e logo paseouno, montado nun asno, polas rúas de Roma. Despois desa humillación deportouno ao mosteiro de Fulda en Alemaña onde faleceu en 1013.

Notas

↑ Aínda que Xoán XVI foi sempre considerado como un antipapa e nunca como un papa lexítimo, o seguinte papa que adoptou o nome de Xoán non utilizou o numeral "XVI" senón que pasou a usar o nome de Xoán XVII.

Véxase tamén

Bibliografía

Ciències socials, geografia i història (2n ESO ed.). Barcanova.
DHONDT, JAN. La Alta Edad Media (adaptación).

Este artigo sobre Papas é, polo de agora, só un bosquexo. Traballa nel para axudar a contribuír a que a Galipedia mellore e medre.
Existen igualmente outros artigos relacionados con este tema nos que tamén podes contribuír.

[1] Aínda que Xoán XVI foi sempre considerado como un antipapa e nunca como un papa lexítimo, o seguinte papa que adoptou o nome de Xoán non utilizou o numeral "XVI" senón que pasou a usar o nome de Xoán XVII.

[1]