Xil Ríos

Na Galipedia, a Wikipedia en galego.
Xil Ríos
Nome completo Xosé Antón Xil Ríos
Naceu 1948 [1]
Orixe Moaña, Galicia Galicia
Ocupación (s) Cantante e compositor
Xénero Música popular, pop, folk, latino, pop rock
Instrumento(s) Voz e guitarra
Selo(s) discográfico (s) Philips (Fonogram), PAI Música (actualidade)
Relacionado con Juan Pardo, Andrés do Barro, Xosé Manuel Budiño, Susana Seivane, Xoán Rubia
Tempo en activo 1971 – presente

Xosé Antón Xil Ríos, coñecido artisticamente como Xil Ríos, nado en Moaña en 1948, é un cantante, compositor e cantautor galego.

Traxectoria[editar | editar a fonte]

Provén dunha familia mariñeira. Comezou a súa traxectoria en 1971 no Festival "Dorna" de Vigo onde quedou segundo, tras Joan Baptista Humet co tema "Un anaco de pan". O seu primeiro sinxelo estreouse no Festival do Viño do Condado de 1972. Nel destaca o tema "Nosa Galicia", no que trata o problema da emigración. Tralo éxito deste tema, a primeira canción que el compuxo, foi bautizado polo escritor galego Xosé María Castroviejo como rapsoda de Moaña.

Outro tema salientábel é "Aos meus amigos", que foi vetado na televisión española durante o franquismo debido á súa temática reivindicativa dos dereitos mariñeiros.

No ano 1973 gañou o Primeiro Premio e o Premio da Crítica no Festival do Miño. Cómpre destacar o contido social e crítico das letras de Xil Ríos, que é contemporáneo doutros autores como Voces Ceibes.

No 2004 publica o disco Vai e vén, que constitúe o seu maior achegamento ao folk. Nel colaboran artistas como Xosé Manuel Budiño, Susana Seivane ou Uxía Senlle.

No ano 2008 "2001 Producciones Artísticas SL" elabora o recompilatorio 15 cancións de ouro de Xil Ríos, onde se pode atopar unha escolma simbólica da súa traxectoria.

O traballo Son da Alma (2010), explora a fusión entre os ritmos latinos e a música tradicional galega. Nel colaboran músicos da talla de Willy Mondeja.

Vida persoal[editar | editar a fonte]

  • Ademais da vertente musical, Xil Ríos traballou como hostaleiro na súa localidade natal, Moaña.
  • Foi futbolista moitos anos e chegou a adestrador do Moaña F.C.

Publicacións musicais de Xil Ríos[editar | editar a fonte]

Sinxelos[editar | editar a fonte]

  • Un anaco de pan / A parranda (1972)
  • Nosa Galicia / A os meus amigos (1972)
  • Miña Maruxiña / El viento canta conmigo (1973)
  • A figueira / Así es la tierra mía (1973)
  • Vamos a beillar / Miña nena (1974)
  • Os mariñeiros / El pregonero (1974)
  • Miña rapaciña / Galeguiños (1975)
  • Nunca cambiarás / Querida mía (1976)
  • Trouleada / Outono (1979)
  • Xirarei / O San Blas (1980)
  • Giraré (Xirarei) / Mar adentro (Mar adiante) (1980)
  • A rapaciña galega / Vello compañeiro (1980)
  • Tan ta ran tan / Cantiga de cegos (1981)
  • Rapaciña bonita / Miña compañeira (1985)
  • De carallada / Morena (1987)

Álbums de estudio[editar | editar a fonte]

Selección das publicacións colectivas[editar | editar a fonte]

  • Los mejores cantantes gallegos (1974)
  • Recordo de Galicia (1975)
  • Cancionero popular gallego (1989)
  • Galicia Nai (con Xoán Rubia, 1992)
  • A gran escolma da música galega. Solistas (1993)
  • Así é a miña terra (1999)

Notas[editar | editar a fonte]

Véxase tamén[editar | editar a fonte]

Ligazóns externas[editar | editar a fonte]