Xosé Manuel Budiño

Xosé Manuel Budiño
	; (2014)
Biografía
Nacemento	1969 (56/57 anos); Moaña
Grupo étnico	Pobo galego
Actividade
Ocupación	músico

Xosé Manuel Budiño, nado en Moaña en 1969, é un músico e gaiteiro galego.

Traxectoria

A comezo dos 80 vai á escola de gaitas "Semente Nova" de Moaña. Participa na banda de gaitas Xarabal e en 1991 funda o grupo Fol de Niu, colaborando posteriormente con bandas como Altan (Irlanda), Capercaillie (Escocia), Oskorri (Euskadi) ou artistas como Kepa Junkera e Uxía.

En 1996 presenta o seu proxecto en solitario Paralaia. Para as actuacións contou con Leandro Deltell (Batería, percusións), Xan Hernández (baixo), Pedro Pascual (bouzouki, mandola), Xabier Díaz (acordeón) e Pablo Alonso (clarinete baixo).

No seu álbum Fulgor (2019), Budiño interpreta por primeira vez coa súa voz as melodías das cancións.^[1] Neste álbum mestura elementos da música tradicional galega coa electrónica ou o pop.

A carreira musical de Budiño permitiulle levar a música galega polo mundo, con actuación en cidades como Shanghai, Damasco, Beirut, Casablanca, Frankfurt, Milán, Glasgow ou Cidade de México.

Discografía

1997 - Paralaia
2000 - Arredor
2004 - Zume de Terra
2004 - Colabora no disco do cantautor Xil Ríos Vai e ven como frautista no tema "Alalá o meu mare"
2007 - Home (coas colaboracións de Xoel López, Kepa Junkera, Mercedes Peón, Jorge Pardo e Jacky Molard)
2010 - Volta
2013 - Sotaque
2019 - Fulgor

Notas

↑ "«Fulgor», la brillante metamorfosis de Budiño". La Voz de Galicia (en castelán). 2019-08-02. Consultado o 2023-02-22.

Véxase tamén

Ligazóns externas

Páxina oficial do artista

[1] "«Fulgor», la brillante metamorfosis de Budiño". La Voz de Galicia (en castelán). 2019-08-02. Consultado o 2023-02-22.

[1]