Vulcanisaeta
Vulcanisaeta | |||||||||||||||
---|---|---|---|---|---|---|---|---|---|---|---|---|---|---|---|
Clasificación científica | |||||||||||||||
| |||||||||||||||
Especies | |||||||||||||||
Vulcanisaeta é un xénero de arqueas crenarqueotas da familia Thermoproteaceae. Trátase dun organismo anaerobio, heterótrofo e hipertermófilo que crece optimamente a 85–90 °C e a pH 4,0–4,5. Foi illado de mostras recollidas directamente de campos de solfataras ou de auga de fontes termais canalizada no leste do Xapón.
Xenoma[editar | editar a fonte]
Secuenciáronse varios xenomas de Vulcanisaeta. O contido G+C do seu ADN, que está entre o 44 e o 46%, e predise que é relativamente baixo en relación co doutros membros de Thermoproteaceae.
Estrutura celular e metabolismo[editar | editar a fonte]
As células de Vulcanisaeta son bacilos rectos ou lixeiramente curvados, cunha anchura de 0,4 a 0,6 µm. Nalgúns casos as células están ramificadas ou teñen corpos esféricos na súa parte terminal. Esta arquea utiliza como fontes de carbono a maltosa, o amidón, malato, extracto de lévedos, peptona, extracto de carne, casaminoácidos e xelatina, pero non pode utilizar D-arabinosa, D-frutosa, lactosa, sacarosa, D-xilosa, acetato, butirato, formiato, fumarato, propionato, piruvato, succinato, metanol, formamida, metilamina ou trimetilamina. Como aceptores de electróns utiliza xofre e tiosulfato. A diferenza dalgunhas outras arqueas xeneticamente similares como Thermocladium ou Caldivirga, Vulcanisaeta crece en ausencia no seu medio de mesturas de vitaminas ou de solución de extracto de células arqueanas.
Ecoloxía[editar | editar a fonte]
Atopáronse cepas de Vulcanisaeta en áreas de fontes teermais no Xapón. Malia que o organismo é a crenoarqueota máis común con forma de bacilo entre os illamentos de fontes termais do Xapón, ata agora non foi illada en ningún outro país. Isto está en contraste co que ocorre con xéneros como Thermoproteus e Pyrobaculum, que están distribuídos por todo o mundo, incluíndo as illas Azores, Islandia, Indonesia, Italia, Xapón, as Filipinas, Rusia e os Estados Unidos de América. Por tanto, é posible que o xénero Vulcanisaeta teña unha distribución que se restrinxa só ao Xapón.[1]
Notas[editar | editar a fonte]
- ↑ Ver no NCBI a páxina web sobre Vulcanisaeta. Datos extraídos de "NCBI taxonomy resources". National Center for Biotechnology Information. Consultado o 2007-03-19.
Véxase tamén[editar | editar a fonte]
Bibliografía[editar | editar a fonte]
- Revistas científicas
- Jay ZJ, JP Beam, MA Kozubal, Rdem Jennings, DB Rusch, and Inskeep WP. (December 2016). "The distribution, diversity and function of predominant Thermoproteales in high-temperature environments of Yellowstone National Park.". Environmental Microbiology 18 (12): 4755–4769. PMID 27130276. doi:10.1111/1462-2920.13366.
- Jay ZJ and Inskeep WP. (July 2015). "The distribution, diversity, and importance of 16S rRNA gene introns in the order Thermoproteales.". Biology Direct 10 (35): 35. PMC 4496867. PMID 26156036. doi:10.1186/s13062-015-0065-6.
- Mavromatis, Konstantinos (2010). "Complete genome sequence of Vulcanisaeta distributa type strain (IC-017(T))". Standards in Genomic Sciences 3 (2): 117–125. PMC 3035369. PMID 21304741. doi:10.4056/sigs.1113067.
- Itoh T; Suzuki K; Nakase T (2002). "Vulcanisaeta distributa gen. nov., sp. nov., and Vulcanisaeta souniana sp. nov., hyperthermophilic, rod-shaped crenarchaeotes isolated from hot springs in Japan". Int. J. Syst. Evol. Microbiol. 52 (Pt 4): 1097–1104. PMID 12148613. doi:10.1099/ijs.0.02152-0.
- Burggraf S; Huber H; Stetter KO (1997). "Reclassification of the crenarchael orders and families in accordance with 16S rRNA sequence data". Int. J. Syst. Bacteriol. 47 (3): 657–660. PMID 9226896. doi:10.1099/00207713-47-3-657.
- Zillig W; Stetter KO; Schafer W; Janekovic D; Wunderl S; Holz I; Palm P (1981). "Thermoproteales: a novel type of extremely thermoacidophilic anaerobic archaebacteria isolated from Icelandic solfataras". Zentralbl. Mikrobiol. Parasitenkd. Infektionskr. Hyg. Abt. 1 Orig. C2: 205–227.
- Bases de datos científicas
- PubMed - referencias para Vulcanisaeta
- PubMed Central - referencias para Vulcanisaeta
- Google Scholar - referencias para Vulcanisaeta
Ligazóns externas[editar | editar a fonte]
- Páxina de taxonomía do NCBI para Vulcanisaeta
- Busca nas páxinas de taxonomía de Tree of Life para Vulcanisaeta
- Busca na páxina de Species2000 para Vulcanisaeta
- Páxina de MicrobeWiki para Vulcanisaeta
- Páxina da LPSN para Vulcanisaeta
Este artigo sobre bioloxía é, polo de agora, só un bosquexo. Traballa nel para axudar a contribuír a que a Galipedia mellore e medre.
Existen igualmente outros artigos relacionados con este tema nos que tamén podes contribuír. |