A carreira disputouse en 11 tiradas: 9 etapas en liña das cales 2 foron de alta montaña, 1 prólogo de 1,8 km por Setúbal e 1 contra reloxo individual final de 17,3 km entre arredor de Fafe. En total, os ciclistas percorreron 1.598,1 km.
O gañador da Grandíssima por segundo ano consecutivo foi o español Raúl Alarcón, militante do W52-FC Porto[1]. Na segunda posición final rematou por segunda vez na súa traxectoria o local Joni Brandão. O terceiro lugar da clasificación xeral ocupouno o español Vicente García de Mateos.
No resto das clasificacións, o gañador final da proba Raúl Alarcón levou o xersei azul da montaña, ademais de tres etapas e o premio da combinada. Vicente García de Mateos acadou o xersei verde dos puntos axudado polas súas tres vitorias de etapa. O vascoXuban Errazkin logrou a maillot branco distintivo dos mozos. O subcampión Joni Brandão foi o mellor portugués. E o W52-FC Porto levou a clasificación por equipos.
Desta vez houbo unha importante participación de equipos Profesionais Continentais. 18 conxuntos de 7 corredores foron os que tomaron a saída, dos cales 4 eran desa categoría e 13 eran de nivel Continental.[2]