Ulm

Ulm
Localización
	48°24′N 10°00′L / 48.4, 10
Estado	Alemaña
Estado federado	Baden-Württemberg
Rexión administrativa	Rexión de Tubinga - Regierungsbezirk Tübingen
Capital de	Alb-Donau (pt) ; Oberdonaukreis (en) (1808–1810); Q1240941 (1818–1924)
Contén a división administrativa	Böfingen (en) ; Donautal (en) ; Eggingen (en) ; Einsingen (en) ; Ermingen ; Eselsberg (en) ; Grimmelfingen (en) ; Gögglingen-Donaustetten ; Jungingen (en) ; Lehr (en) ; Mähringen (en) ; Oststadt (en) ; Söflingen (pt) ; Ulm-Stadtmitte ; Unterweiler (en) ; Weststadt (en) ; Wiblingen (en)
Poboación
Poboación	129.942 (2023) (1.094,89 hab./km²)
Xeografía
Superficie	118,68 km²
Bañado por	Río Danubio, Iller e Blau
Altitude	481 m
Comparte fronteira con	Neu-Ulm ; Neu-Ulm (pt) ; Alb-Donau (pt) ; Elchingen (pt)
Creación	1181 (Gregoriano)
Organización política
• Xefe do goberno	Martin Ansbacher (2024–)
Membro de	Kommunalverband für Jugend und Soziales Baden-Württemberg (en) ; Eurotowns network (en) ; Q1500388 ; Alianza Climática (1993–); Alcaldes pola Paz (2010–); Kommunale Informationsverarbeitung Reutlingen-Ulm (KIRU) (en) (–2018); Zweckverband 4IT (en) (2018–)
Identificador descritivo
Código postal	89081, 89073, 89075, 89077 e 89079
Fuso horario	UTC+01:00; UTC+02:00
Prefixo telefónico	0731, 07346 e 07305
Código NUTS	DE144
Clave de rexión en Alemaña	084210000000
Número de municipio alemán	08421000
Outro
Irmandado con	Vidin ; Jinotega (1986–); Bratislava (2003–)
Sitio web	ulm.de

Ulm é unha cidade alemá do estado federado de Baden-Württemberg, situada entre Stuttgart no oeste e Augsburg e Múnic no leste, ás beiras do Danubio. O río separa Ulm de Neu-Ulm, a nova parte da cidade, que xa se atopa no estado federado de Baviera. Ulm é coñecido pola súa Catedral, santuario protestante de arquitectura gótica, coa torre de igrexa máis alta do mundo (161,53 m), pola súa cidade universitaria, na que se integrou a Escola de Ulm, sucesora da Bauhaus, e por ser a cidade natal de Albert Einstein.

Xeografía

Ulm está na desembocadura dos ríos Blau e Iller no Danubio. A maior parte da cidade está na beira esquerda do río, estando no outro costado a súa cidade xemelga, Neu-Ulm (nova Ulm), que cos seus 50.000 habitantes está situada no land de Baviera.

A cidade está dividida en 18 distritos: Ulm-Mitte, Böfingen, Donaustetten, Donautal, Eggingen, Einsingen, Ermingen, Eselsberg, Gögglingen, Grimmelfingen, Jungingen, Lehr, Mähringen, Oststadt, Söflingen (con Harthausen), Unterweiler, Weststadt e Wiblingen.

Historia

Ulm é mencionada por primeira vez en 854, sendo declarada cidade por Frederico I Barbarroxa en 1164. Floreceu durante o século XVI, debido maiormente á exportación téxtil. Estes séculos representan o cénit da arte en Ulm, especialmente para pintores e escultores.

En 1803, deixou de ser unha "Cidade Libre Imperial" e foi absorbida por Baviera. Durante a batalla de Ulm de 1805, no marco das Guerras Napoleónicas, o exército francés fixo unha emboscada á invasión da armada austríaca en mans do Xeneral Mack en Ulm forzando a súa retirada. En 1810, foi incorporada no Reino de Württemberg, pertencente á Confederación do Rin.

En 1938, de novo pasou a ser unha "cidade libre" ou Stadtkreis, o que significa que non pertence a ningún dos distritos rurais da contorna, formando un de tipo urbano.

Economía

A proximidade de Stuttgart fai que boa parte da actividade industrial da cidade estea ligada á produción automotriz. EvoBus, a división de autobuses e autocares de Daimler, ten a súa planta de produción principal de vehículos da marca SETRA nesta cidade, así como unha planta de montaxe de camións de IVECO.

En xeral, o estado federado de Baden-Württemberg é unha das rexións economicamente máis prósperas de Alemaña e, naturalmente, da Unión Europea (UE).

Puntos de interese

Sen dúbida a súa principal referencia é a Catedral de Ulm, coa torre de igrexa máis alta do mundo (161,53 m).
O barrio dos pescadores coa Schliefes Haus do século XVI (actualmente un hotel) e o Alte Münz (un edificio medieval ampliado con estilo renacentista).
Os restos da cidade que sobreviviron aos bombardeos.
A Casa do Concello, construída no ano 1370.
Os edificios da Hochschule für Gestaltung, a Escola de Ulm, hoxe empregados pola Universidade.

Véxase tamén

Ligazóns externas

Páxina oficial de Ulm (en alemán)
Mapa