Constanza

Na Galipedia, a Wikipedia en galego.

Coordenadas: 47°40′N 9°11′E / 47.667°N 9.183°E / 47.667; 9.183

Constanza
Konstanz (en alemán)
Wappen Konstanz.svg
Konstanz Blick vom Münsterturm.jpg
Vista da cidade.
Situación xeográfica
Constanza en Alemaña
Constanza
Constanza
País Alemaña Alemaña
Estado Baden-Württemberg
Rexión Friburgo
Distrito Constanza
Xeografía
Altitude msnm
Superficie 55,65 km²
Poboación
Poboación 79 645
Densidade 1 400 hab/km²
Información
Código postal 78462–78467
Alcalde Ulrich Burchardt (UDC)
Páxina web Páxina oficial de Constanza

Constanza[1] (en alemán: Konstanz) é unha cidade universitaria de máis de 80.000 habitantes. Está situada na beira oeste do Lago Constanza no recuncho suroeste de Alemaña, no Estado de Baden-Württemberg. Fai fronteira ademais con Suíza.

Localización[editar | editar a fonte]

Constanza está situada no Lago Constanza (en alemán Bodensee). O río Rin, que nace nos Alpes Suízos, pasa a través do logo Constanza e ao abandonalo, considerabelmente maior, flúe baixo unha ponte que conecta as dúas partes da cidade.

Ao norte do río atópase a maior parte da cidade, con áreas residenciais, industriais e a Universidade de Constanza; mentres que na parte sur está o casco antigo e o centro administrativo e comercial, ademais das instalación da Hochschule ou Universidade de Ciencias Aplicadas. Transbordadores de automóbiles cruzan o lago e dan acceso a Meersburg, e un Catamarán proporciona servizo a peóns cara Friedrichshafen. Ao sur, ás beiras da cidade vella, atópase a cidade suíza Kreuzlingen.

Subdivisións[editar | editar a fonte]

Subdivisións

Constanza está dividida en quince distritos:

  • Altstadt
  • Paradies
  • Petershausen-West
  • Allmansdorf
  • Egg
  • Fürstenberg
  • Industriegebiet
  • Königsbau
  • Petershausen-Ost
  • Staad
  • Wollmatingen
  • Dingelsdorf
  • Litzelstetten
  • Dettingen
  • Wallhausen

Historia[editar | editar a fonte]

De 1414 a 1418 celebrouse nesta cidade o Concilio de Constanza, que deu fin ao Cisma de Occidente.

A comezos do século XIX e como consecuencia das guerras Napoleónicas, o territorio que comprende esta cidade pasou a formar parte da Confederación do Rin e tralo congreso de Viena adheriuse á Confederación Xermánica.

Economía[editar | editar a fonte]

O encanto de Constanza, que foi unha das poucas cidades do país que non foi destruída durante a Segunda Guerra Mundial, atrae a visitantes de todo o estado e en particular de Stuttgart. Ademais Constanza constitúe un das principais pontes para os intercambios comerciais entre Suíza e a Unión Europea.

Transporte[editar | editar a fonte]

Constanza está servida polas principais vías de ferrocarril cara o oeste até Singen con conexión con tódalas partes de Alemaña, e cara o sur a Suíza, conectando coas principais rutas en Weinfelden. Os servizos son proporcionados pola Deutsche Bahn e pola compañía suíza Thurbo e a súa filial alemá. O aeroporto máis próximo está en Friedrichshafen, ao que se pode chegar rapidamente grazas a un servizo de transbordador que cruza o lago, o cal conecta a cidade con outras vilas na beira do mesmo. O aeroporto opera fundamentalmente con voos domésticos, mais conta cunha liña co aeroporto londiniense de Stansted. Os aeroportos internacionais máis próximos son o de Stuttgart, Basilea e Zúric, o cal ten un tren directo con Constanza. Os servizos de autobuses urbanos son proporcionados por SüdbadenBus GmbH.

Ademais Constanza e Friedrichshafen están conectadas por dous (en pronto por tres) catamaráns dende 2005 Constance e Fridolin.

Notas[editar | editar a fonte]

  1. Por exemplo en Martínez Pereiro, Xosé Luís (1999). Laiovento, ed. As irmás bastardas da ciencia. Antoloxía de sedes clandestinas. Santiago de Compostela. pp. 144, 148. 

Véxase tamén[editar | editar a fonte]

Commons
Commons ten máis contidos multimedia na categoría: Constanza Modificar a ligazón no Wikidata

Ligazóns externas[editar | editar a fonte]