A carreira comezou en Tanunda e tras 812 quilómetros rematou en Adelaida. Nela participaron 133 ciclistas de 19 equipos, un número de 7 por equipo. A etapa raíña foi a quinta, que tivo final no outeiro de Willunga.
Esta proba foi a carreira inaugural do calendario do UCI WorldTour 2015. O gañador foi o australiano Rohan Dennis, que empregou un tempo de 19 horas 15 minutos e 18 segundos para percorrer os 812 km cunha velocidade media de 42,18 km/h. Ademais, Rohan Denis tamén logrou o maillot branco dos xoves. O resto do podio tamén foi local, xa que segundo quedou Richie Porte e terceiro o excampión do Tour de Francia e do mundo, Cadel Evans.
Nas clasificacións secundarias, o tamén australiano Jack Bobridge gañou o maillot de puntos azuis da montaña, o surafricanoDaryl Impey logrou a clasificación dos sprints e o equipo navarro do Movistar Team venceu na clasificación por equipos.
No Tour Down Under participaron 19 equpos diferentes: os 17 do UCI WorldTour (participación obrigada), 1 equipo australiano de categoría Profesional Continental e unha selección de xoves ciclistas locais que competiu co nome de UniSA-Australia polo patrocinio da Universidade do Sur de Australia.