Toño Núñez

Toño Núñez

Biografía
Nacemento	18 de xaneiro de 1959 (65 anos) Navia de Suarna, España
Datos persoais
País de nacionalidade	España
Formación profesional	Maxisterio
Actividade
Ocupación	poeta
Xénero artístico	Poesía, narrativa e ensaio
Lingua	Lingua galega

Xosé Antón Núñez Álvarez, coñecido como Toño Núñez, nado en Vilameixide (Freixís, Navia de Suarna) o 18 de xaneiro de 1959, é un mestre e escritor galego.

Traxectoria

Estudou Maxisterio e, despois de ter traballado coma mestre infantil durante máis de 20 anos, pasou a exercer como mestre de galego no IES de Palas de Rei (Lugo).

No ano 1986 gañou o I Premio Buril das Letras Galegas de narrativa, feito que o levou a tomar máis en serio a súa vocación coma escritor. A súa obra inclúe libros infantís, unha obra para adultos, relatos breves, poemas e artigos de opinión. Asemade, ten no seu haber varias mencións literarias.

Foi compoñente do Conxunto Vocal Lugh e do Coro do Hospital, dirixidos por Fernando Gómez Jácome.

En 2018 estreou o proxecto A gotiña viaxeira, con Miguel Anxo Macía e Fran Muinelo.

Obra

Literatura infantil

• O soño de Ánxela (1999). A Coruña: Everest Galicia. Ilustracións de Fernando López Juárez. 48 páxs. ISBN 9788440303943.
• O señor mago e a folla (2000). A Coruña: Everest Galicia. Ilustracións de Suso Cubeiro. 48 páxs. ISBN 9788440311030.
• Amores de gato e rato (2004). Pontevedra: Kalandraka. Ilustracións de Susanna Widmann López. 40 páxs. ISBN 9788484642367.
• As cores da vida (2005). Vigo: Ir Indo. Ilustracións de Laura Comesaña Vieitez. 25 páxs. ISBN 9788476805084.
• Macedonia de froitas (2005). Vigo: Ir Indo. Ilustracións de Laura Comesaña Vieitez. 26 páxs. ISBN 9788476805091.
• O pirata Metepata (2006). A Coruña: Baía. Ilustracións de Xosé Tomás. ISBN 9788496526648.
• O monstro dos Ancares (2007). Vigo: Galaxia. 56 páxs. ISBN 978-84-7154-008-9.
• Mago Goma (2009) Pontevedra: Kalandraka. Ilustracións de Adriá Fruitós. 40 páxs. ISBN 9788492608126.
• De como Chispo, o esquío, puido co frío (2014). Vigo: Galaxia. 36 páxs. Ilustracións de Xosé Tomás. ISBN 978-84-9865-527-8.
• A gotiña viaxeira (2018). Silleda: Ed. Fervenza. Ilustracións de Miguel Anxo Macía. 32 páxs. ISBN 9788417094461.

Os Balbinos

Con Carlos García Porral publicou en 2020 en Ed. Fervenza a colección Os Balbinos, en galego, castelán e inglés, con ilustracións de Gabril Iglesias Sanmartín:

• Ruta da Prata, 100 páxs. ISBN 978-84-18136-08-5.
• Camiño Portugués, 108 páxs. ISBN 978-84-18136-50-4.
• Camiño Inglés, 100 páxs. ISBN 978-84-18136-51-1.

Narrativa

• Navia, nai (2006). Deputación de Lugo. 160 páxs. ISBN 978-84-8192-310-0.
• Mea culpa (2024). A Coruña: Medulia Ed. 226 páxs. ISBN 978-84-10324-08-4.

Poesía

• Poemas de Amor en Outono (2014). Sacauntos. ISBN 978-84-16121-43-4 (2ª 2016). Ed. revisada en 2020, Ed. Fervenza, ISBN 978-84-17094-99-7.

Obras colectivas

• 1º Premio Buril das Letras Galegas (1986). Con Da morte e da vida,
• Relatos de verán (2002). La Voz de Galicia. Con Cereixas bravas.
• Cento sete marés (2003). Esmelgar, Arte e Comunicación. Lugo. Poema Radiografía.
• Relatos de verán (2004). La Voz de Galicia. Con A gata.
• Relatos de verán (2005). La Voz de Galicia. Con Desacougo.
• Dez anos, dez historias (2007). Librería Trama, Lugo. Con Volverei?
• Premios Terras de Chamoso (2007-2009) (2011). Asociación Cultural Arumes do Corgo. on Rapsodia temporal.
• Vivir un soño repetido. Homenaxe a Lois Pereiro (2011). Asociación de Escritores en Lingua Galega, libro electrónico.
• Un feixe de poesía na porta (2013). A porta verde do sétimo andar. Poemas Latexos de amor, desamor e desacougo.
• 150 Cantares para Rosalía de Castro (2015) Libro electrónico). Con Ai, Rosalía.

Premios

• Gañador do I Premio Buril das Letras Galegas de narrativa, Burela (1986)
• Accésit no IV Concurso de Contos Casa da Xuventude, Ourense (1987)
• Mención Especial no Concurso Literario Concello de Culleredo (1987)
• Mención de honor no Concurso Literario da Asociación "Meigas e Trasgos" (apartado de prosa), Sarria (1987)
• Gañador do Segundo Premio do IV Certame de Narración Curta Ánxel Fole, Lugo (2000)
• Gañador do Segundo premio do V Certame de Narración Curta Ánxel Fole, Lugo (2001)
• 2º Premio Revista "A Pipa" de relato convocado pola asociación "A Pipa", Becerreá (Nadal 2006)
• 1º Premio Revista "A Pipa" de poesía convocado pola asociación "A Pipa", Becerreá (Nadal 2006)
• Accésit “A Pipa” 08 de Relato. Certame convocado pola Asociación Cultural “A Pipa” de Becerreá (Nadal, 2008).

Outras referencias culturais

Música

• En 2019 editouse o disco do libro homónimo Poemas de amor en outono, coa voz de Xoán Eiriz e a música de Nacho Varela, con dez poemas do autor.