Tesouro de Ruffieu
Tesouro de Ruffieu | |
---|---|
do Tesouro de Ruffieu |
|
· Data do depósito: ca. 265-275.
· Período ou cultura: Imp. Romano. · Lugar de aparición: Ruffieu, Isère Francia. · Coordenadas: 45°33′28.5″N 5°18′16.9″L / 45.557917, -5.304694 · Data do achado: 8 de maio de 1837. · Composición: 6 áureos, 5 aneis e pezas de enxoval. · Materiais: ouro, prata e pedras preciosas. · Conservación: Gabinete de Medallas do MBA de Lión. |
O tesouro de Ruffieu é un pequeno tesouro de época romana descuberto en 1837 no lugar chamado Ruffieu, municipio de Nivolas-Vermelle, no departamento francés de Isère.
Contido[editar | editar a fonte]
O achado produciuse o 8 de maio de 1837 no lugar chamado Ruffieu, na ladeira oriental dun outeiro situado a 80 mestros da estrada Lión-Grenoble.[1]
O tesouro é de tamaño modesto, mais presenta a interesante particularidade dunha inscrición na que se menciona o seu propietario, un soldado romano.[2]
O conxunto de Ruffieu inclúe os seguintes obxectos:[3]
- Seis áureos coas efixies de Hadriano, Heliogábalo, Alexandre Severo e Galieno, o máis recente datado en 254 ou 255 d. C.
- Cinco aneis de ouro engastados con pedras semipreciosas, un deles de cornalina.
- Unha cazola de prata cunha inscrición en tres liñas no reverso da asa, onde se nomea o seu propietario: C(ai) Didi Secundi / mil(itis) leg(ionis) II Aug(ustae) / |(centuria) Mari.[4]
- Unha segunda cazola, unha cunca e catro culleres, todo en prata.
Todo o conxunto está exposto no Gabinete de Medallas do Museo de Belas Artes de Lión, co número de inventario A 15452.[3][5]
Interpretación[editar | editar a fonte]
O propietario, Caius Didius Secondus, era un soldado da Legio II Augusta da centuria Marius, normalmente destinado na Britania. O afastamento da súa gornición habitual a unha zona próxima aos Prealpes e a datación das moedas poderían explicarse polo enfrontamento entre Póstumo —usurpador na Galia e na Britania a partir de 260— e Galieno, emperador lexítimo en Italia.[6]
-
Cazola de prata (2).
Notas[editar | editar a fonte]
- ↑ Baratte, F. (1989). Páxina 198.
- ↑ Grenier, A. (1926). "Notes d'archéologie rhénane". En Revue des Études Anciennes. T. 28. N°3. Páxina 268.
- ↑ 3,0 3,1 Bertrandy, F. et al. (2011). Páxina 254.
- ↑ "Nº 3453". EDCS. Epigraphik-Datenbank Clauss / Slaby (Db.edcs.eu).
- ↑ Ramond, S. (2013). Le musée des Beaux-Arts de Lyon. Réunion des musées nationaux / Fondation BNP-Paribas. Páxina 33. ISBN 978-2-7118-6169-9
- ↑ Loriot, X. (2003). "Réflexions sur l'usage et les usagers de la monnaie d'or sous l'Empire romain". En Revue numismatique. 6ª serie. Tomo 159. Páxina 58.
Véxase tamén[editar | editar a fonte]
Wikimedia Commons ten máis contidos multimedia na categoría: Tesouro de Ruffieu |
Bibliografía[editar | editar a fonte]
- Armanet, J. (1937). Le trésor de Ruffieu. Bourgoin.
- Baratte, F. (1989). "Le Trésor de Ruffieu". En Trésors d'orfèvrerie gallo-romaine. Réunion des musées nationaux, París. Páxinas 198-202. ISBN 2711822389
- Bertrandy, F. et al. (2011). Carte archéologique de la Gaule - 38/2 L'Isère nord. Académie des Inscriptions et Belles-Lettres, París. ISBN 9782877542647
- Planet, F. (1992). "Autour du trésor de Ruffieu : une archéologie locale au service de l’histoire nationale". En La monnaie, la cité, l’histoire : le Médaillier de Lyon. Réunion des musées nationaux. Páxinas 56-67. ISBN 2-7118-2572-8