Santiago Lago Peñas

Na Galipedia, a Wikipedia en galego.
Saltar ata a navegación Saltar á procura
Santiago Lago Peñas
Nacemento1971
 Vigo
NacionalidadeEspaña
Alma máterUniversidade de Santiago de Compostela
Ocupacióneconomista
editar datos en Wikidata ]

Santiago Lago Peñas, nado en Vigo en 1971[1], é un economista galego, director do Foro Económico de Galicia[2].

Traxectoria[editar | editar a fonte]

Fillo de familia numerosa, licenciouse en Economía en 1994 pola Universidade de Santiago de Compostela, onde tamén se doutorou catro anos máis tarde[3]. É profesor da Universidade de Vigo no seu departamento de Economía Aplicada, con rango de catedrático.

Como investigador ten traballado na facenda das corporacións locais, e en sistemas de descentralización política dende a súa perspectiva económica e fiscal[3].

Ten publicado en distintas revistas especializadas, algunhas internacionais[3], e tamén ten realizado estadías de investigación en universidades europeas (Friburgo, Rennes I, IEP París, Pau) e canadenses (Acadia, Alberta e Queen's). É editor executivo de 'Hacienda Pública Española - Review of Public Economics', a revista científica do Instituto de Estudos Fiscais do Ministerio de Facenda[4]. É membro do grupo de traballo de Accesibilidade da Rede Transnacional Atlántica, que é unha rede de consellos económicos e sociais da Europa atlántica, e do que chegou a ser presidente[5].

Politicamente relaciónase con entidades na órbita da esquerda non nacionalista: é membro do padroado da Fundación 10 de Marzo de Comisións Obreiras e da Fundación Iniciativas 21, vinculada ao PSdeG-PSOE. Foi asesor económico da Xunta de Galicia durante o goberno de Pérez Touriño e continuou durante un tempo como asesor durante o primeiro goberno de Feijoo. Foi conselleiro do Consello Económico e Social de Galicia entre 2003 e 2011. Tamén ten asesorado o Ministerio de Facenda no sistema de financiamento das comunidades autónomas e en 2018 foi elixido polo Parlamento de Galicia como o representante de Galicia para a reforma do sistema de financiamento autonómico[6]. É o director do Foro Económico de Galicia

Ten colaborado con prensa escrita e radiofónica (El Mundo, Faro de Vigo, SER e Radio Nacional).

Premios[editar | editar a fonte]

  • Premio de investigación Josep Maria Vilaseca i Marcet (2010) do Institut de Estudos Autonómics da Generalitat de Cataluña[7] pola obra Descentralización y control electoral de los gobiernos en España, publicada a canda Ignacio Lago.

Obras[editar | editar a fonte]

Vida persoal[editar | editar a fonte]

É irmán dos tamén economistas Manuel Lago e Ignacio Lago Peñas, e do profesor de xestión deportiva Carlos Lago.

Notas[editar | editar a fonte]

  1. "Santiago Lago Peñas: "Hay que introducir la productividad en las nóminas, aunque sea difícil de medir"". Faro de Vigo (en castelán). Consultado o 2020-04-14. 
  2. "Socios executivos". Foro Económico de Galicia. Arquivado dende o orixinal o 28 de outubro de 2019. Consultado o 2020-04-14. 
  3. 3,0 3,1 3,2 "CV de Santiago Lago" (PDF). Web persoal. 
  4. "Editorial Board. Hacienda Pública Española / Review of Public Economics" (en inglés). Consultado o 2020-04-14. 
  5. "Santiago Lago Peñas. Web persoal". slagop.webs.uvigo.es. Consultado o 2020-04-14. 
  6. "PP y PSdeG pactan el experto que negociará la nueva financiación". ABC (en castelán). 2017-01-28. Consultado o 2020-04-14. 
  7. "El doctor Joan Oliver Araujo, catedràtic de Dret Constitucional de la UIB, rep el III premi internacional Josep Maria Vilaseca i Marcet". diari.uib.es (en catalán). 25-11-2011. Consultado o 13-4-2020. 

Véxase tamén[editar | editar a fonte]

Ligazóns externas[editar | editar a fonte]