Santa Eulària des Riu

Santa Eulària des Riu
Localización
	38°59′05″N 1°32′01″L / 38.984722222222, 1.5336111111111
Estado	España
Comunidade autónoma	Illas Baleares
Provincia histórica	provincia de Baleares
Illa	Eivisa
Capital	Santa Eulària des Riu
Poboación
Poboación	42.479 (2025) (276,77 hab./km²)
Xeografía
Parte de	Commonwealth «Matadero Insular D'Eivissa» (en)
Superficie	153,48 km²
Bañado por	Mar Mediterráneo
Altitude	52 m
Comparte fronteira con	Sant Joan de Labritja ; Sant Antoni de Portmany ; Eivissa
Organización política
• Alcalde	Carmen Ferrer (en)
Identificador descritivo
Código postal	07840
Fuso horario	UTC+01:00, horario estándar; UTC+02:00, horario de verán
Código INE	07054
Sitio web	santaeulalia.net

Santa Eulària des Riu é un concello situado na zona oriental da illa de Eivisa, no arquipélago das Illas Baleares. É o segundo concello máis poboado da illa con 34.946 habitantes (2012), por detrás da vila de Eivisa.

Historia

Na época musulmá a zona chamábase Xarc. Coa conquista aragonesa modificouse a división da illa en cuartos similares á organización municipal actual. O cuarto de Santa Eulària correspondeu ao infante Pedro de Portugal, señor feudal de Guillem de Montgrí, bispo de Tarragona, o cal tiña os dereitos reais de conquista. O rei de Aragón Xaime I adquiriu os dereitos de Pedro de Portugal, pasando a chamarse «Quartó del Rei». Isto provocou algúns problemas xurídicos xa que o rei, en Eivisa, era señor feudal do bispo de Tarragona o cal, á súa vez, era vasalo do rei de Aragón.

A localidade xurdiu arredor da igrexa na cima do Puig de Missa. A igrexa actual é do século XVI así como a torre anexa desde a que se podía defender con artillaría toda a comarca.

Xeografía

O termo municipal comprende, ademais da parroquia de Santa Eulària des Riu, as de Sant Carles e Santa Gertrudis, e tamén a parroquia de Nostra Senyora de Jesús e el Puig d'en Valls.

O nome de Santa Eulària provén da igrexa que construíron inmediatamente despois da conquista. Ademais, ten o único río da illa, importante na época polo regadío da horta e polos muíños fariñeiros.