Reñosa

Vulnerable^[1]

Dominio:	Eukarya
Reino:	Animalia
Filo:	Chordata
Clase:	Actinopterygii
Infraclase:	Teleostei
Superorde:	Ostariophysi
Orde:	Cypriniformes
Suborde:	Cyprinoidea
Familia:	Cyprinidae
Subfamilia:	Leuciscinae
Xénero:	Achondrostoma
Especie:	A. arcasii (Steindachner, 1866)

Distribución de A. arcasii.^[2]

Sinonimia

Leucos arcasii (Steindachner, 1866)
Chondrostoma arcasii (Steindachner, 1866)
Rutilus arcasii (Steindachner, 1866)

A reñosa ou vermelliña (Achondrostoma arcasii) é unha especie da familia de peixes ciprínidos, que vive en ríos e lagos da Península Ibérica.

Características[editar | editar a fonte]

É unha especie de pequeno tamaño, cunha lonxitude máxima de 10 cm e un peso de 40 g, de cabeza pequena, boca subterminal coa aleta dorsal de perfil convexo, coa súa orixe situada na vertical da inserción das aletas ventrais, liña lateral moi marcada e coloración escura no dorso e encarnada na base das aletas pares.

O número de escamas no lateral oscila entre 36 e 48, presenta 7 espiñas radiais nas aletas dorsal e anal e entre 4 e 6 dentes farínxeos.

Reprodúcense entre os meses de maio e xuño, con fecundación externa, depositando os ovos sobre o substrato.

Hábitat[editar | editar a fonte]

Vive en lagos e ríos de montaña, formando unha asociación característica coa especie Salmo trutta. Vive nos cursos baixos dos ríos, con leitos lamacentos e vexetación acuática palúdica, como nos afluentes do esteiro do río Miño. Tamén é a única especie autóctona que habita en lagos endorreicos, como a lagoa de Gallocanta. É unha especie endémica da Península Ibérica.

Alimentación[editar | editar a fonte]

A súa alimentación é oportunista, baseada principalmente en invertebrados acuáticos, aínda que nalgúns ríos a súa alimentación ten un forte compoñente detritívoro, consumindo tamén algunhas plantas. Esta alimentación oportunista pode ter un valor adaptativo particular en ríos mediterráneos de marcada estacionalidade.