Raúl I de Vermandois

Raúl I de Vermandois

Nome orixinal	(fr) Raoul Ier de Vermandois
Biografía
Nacemento	c. 1085
Morte	14 de outubro de 1152 (66/67 anos)
Rexente Reino de Francia
1147 – 1149 ← Lois VII de Francia Xunto con: Suger de Saint-Denis
Sénéchal de France (en)
novembro de 1131 – 1151
Count of Amiens (en)
1102 – 1152
Count of Valois (en)
1102 – 1152
Actividade
Ocupación	aristócrata
Outro
Título	Count of Vermandois (en)
Familia	Dinastía dos Capetos
Cónxuxe	Petronila de Aquitania (1142–1152) Leonor de Blois (1120–1141)
Fillos	Isabel de Vermandois  () Petronila de Aquitania Raúl II de Vermandois  () Petronila de Aquitania Leonor de Vermandois  () Petronila de Aquitania
Pais	Hugo de Vermandois   e Adelaide de Vermandois
Irmáns	Margaret of Clermont Isabel de Vermandois, Condessa de Leicester
Cronoloxía
1130	matar (Coucy)
1129	traumatismo físico (Livry-Gargan (pt) )

Raúl I de Vermandois, chamado Raúl I o Valente, ou Raúl I o Chosco, tamén coñecido co nome de Raúl de Crépy, nado ao redor de 1094 e finado o 13 de outubro de 1152, foi conde de Vermandois, de Amiens e de Valois de 1102 a 1152.

Traxectoria

Fillo de Adelaida de Vermandois e Hugo I o Grande, fillo do rei Henrique I de Francia, era o primo irmán do rei Lois VI de Francia. Deu o seu apoio a estes últimos contra os baróns refractarios á autoridade real.

Tendo perdido un ollo no transcurso da captura do castelo de Livry en 1129, ao ano seguinte, no asedio de Coucy, feriu mortalmente a Tomé de Marle, señor de Coucy, que matara había moito tempo ao seu irmán Henrique (1091 -1130), señor de Chaumont-en-Vexin. En novembro de 1131, o rei Lois VI nomeouno senescal.

Pouco despois da morte de Lois VI en 1137, sostivo temporalmente a causa da Raíña Nai Adelaida de Savoia, que temía que o seu dote fose usado ao servizo do Estado polo seu fillo Lois VII axudado polo abade Suger.

Fiel á Coroa de Francia, Lois VII propúxolle á irmá da súa muller (Leonor de Aquitania) chamada Petronila de Aquitania (sobre 1125 - 1151 ) para casar con ela, Raúl repudiou en 1142 á súa primeira esposa Leonor de Blois. A muller abandonada queixouse entón ao seu irmán Teobaldo IV, conde de Blois e Champaña, que á súa vez se rebelou contra o rei de Francia. O papa Inocencio II interveu anulando este matrimonio e excomungando aos novos cónxuxes así como aos bispos que consentiron a bendiciron a súa unión. Porén o papa Uxío III que sucedeu a Inocencio II, lexitimou este segundo matrimonio no concilio celebrado en Reims en 1148.

Durante a ausencia de Lois VII (que marchara á segunda cruzada), en 1145, Raúl permaneceu en Francia como rexente do reino xunto a Suger. Despois do regreso de Lois, Raúl, que quedara viúvo de Petronila, a súa segunda muller, casou de novo en 1152 coa Laureta de Alsacia (sobre 1125 - 1151), filla de Teodorico de Alsacia, conde de Flandres.

Matrimonios e descendencia

1) Cara a 1120, casou en primeiras nupcias con Leonor de Blois, filla de Estevo II de Blois e Adela de Inglaterra, da que se separou sobre 1141 por mor da consanguinidade. Algunhas xenealoxías atribúen a esta unión un fillo, Hugo II de Vermandois, que se tería feito monxe baixo o nome de Félix de Valois, pero esta afirmación parece ser unha broma do século XVI.

2) En 1142, casou con Petronila de Aquitania, filla de Guillerme X de Aquitania e irmá de Leonor de Aquitania, coa que tivo a:

• Isabel de Vermandois (1143-1183), condesa de Vermandois e Valois, casada con Filipe de Alsacia, conde de Flandres.
• Raúl II (1145-1167), conde de Vermandois e Valois.
• Leonora de Vermandois (1148/1149 - 1213).

En 1152 casou con Laureta de Lorena, unha efémera unión da que non tivo fillos.

Véxase tamén

Ligazóns externas

• O conde de Vermandois Raúl IV de Crépy