Henrique I de Francia

Henrique I de Francia
	Rei de Francia
Reinado	20 de xullo de 1031 - 4 de agosto de 1060
Coroación	14 de maio de 1027 (Catedral de Reims)
Outros títulos	Ducado de Borgoña (1016–1032)
Nacemento	4 de maio de 1008; Reims
Falecemento	; Vitry-aux-Loges
Predecesor	Roberto II de Francia
Sucesor	Filipe I de Francia
Descendencia	Con Ana de Kíiv Filipe (1052 - 1108) ; Roberto (1054-1063); Emma (1055-1109); Hugo o Grande
Proxenitores	Roberto II; Constanza de Arles
Na rede
	v; c; e;

Henrique I de Francia, nado en Reims o 4 de maio de 1008 e finado en Vitry-aux-Loges o 4 de agosto de 1060, foi rei de Francia do 1031 até a súa morte.

Traxectoria[editar | editar a fonte]

Henrique foi o segundo fillo de Roberto II e de Constanza de Arles.^[1] Asociado ao trono polo seu pai á morte do seu irmán máis vello, Hugo, en 1025. Foi coroado como rex designatus na Catedral de Reims como Rei o 14 de maio de 1027.^[2]

Á morte de Roberto II, disputou a coroa de Francia co seu irmán máis novo, Roberto o Vello. Feitas as paces entre os irmáns, en 1032, Henrique cedeulle o Ducado de Borgoña, que o seu pai lle concedera no 1016.^[3]

Debido á dificultade de gobernar aos señores feudais aínda demasiado conscientes do seu poder e soberanía, este rei foi chamado na historiografía como rei de París para evidenciar así que o seu poder mostrábase bastante minguado.^[4]

Titor de quen sería máis tarde Guillerme o Conquistador, aínda que con posterioridade enfrontaríase a el en dúas batallas que perdería entre 1054 e 1058 por Normandía.

Henrique finou o 4 de agosto de 1060 en Vitry-aux-Loges, e foi soterrado na Basílica de San Denís. Foi sucedido polo seu fillo Filipe, quen tiña 7 anos no momento da súa morte, exercendo polo tanto a súa nai, Ana de Kíiv, como a súa rexente.

Matrimonio e fillos[editar | editar a fonte]

Casado en primeiras nupcias con Matilde de Frisia^[5] e en segundas nupcias coa princesa Ana de Kíiv (1024 - 1075), filla do Gran Príncipe Iaroslav I o Sabio de Kíiv, da cal tivo tres fillos e unha filla:

Filipe (1052 - 1108), rei de Francia.
Roberto (1054-1063)
Emma (1055-1109)
Hugo o Grande (1057-1102), conde de Vermandois, esposo de Adelaida de Vermandois.

Notas[editar | editar a fonte]

↑ Jim Bradbury, The Capetians: The History of a Dynasty, (Bloomsbury, 2007), 93.
↑ William W. Clark, Medieval Cathedrals, (Greenwood Publishing, 2006), 87.
↑ Elizabeth Hallam and Judith Everard, Capetian France 987-1328, (Routledge, 2013), 95.
↑ Cf. Michel Parisse, "La cristianità occidentale alla metà del secolo XI" en Storia del cristianesimo, vol.
↑ Jim Bradbury, The Capetians: The History of a Dynasty, 106-108.

Véxase tamén[editar | editar a fonte]

Bibliografía[editar | editar a fonte]

Vajay, S. Mathilde, reine de France inconnue (Journal des savants), 1971

Outros artigos[editar | editar a fonte]

Predecesor: Roberto	Duque de Borgoña 1016 – 1032	Sucesor: Roberto I
Predecesor: Roberto II	Rei de Francia 1031 – 1060	Sucesor: Filipe I

[1] Jim Bradbury, The Capetians: The History of a Dynasty, (Bloomsbury, 2007), 93.

[2] William W. Clark, Medieval Cathedrals, (Greenwood Publishing, 2006), 87.

[Everard95-3] Elizabeth Hallam and Judith Everard, Capetian France 987-1328, (Routledge, 2013), 95.

[4] Cf. Michel Parisse, "La cristianità occidentale alla metà del secolo XI" en Storia del cristianesimo, vol.

[Bradbury106-108-5] Jim Bradbury, The Capetians: The History of a Dynasty, 106-108.

[1]

[2]

[3]

[4]

[5]