Ramiro Paredes Ramos

Na Galipedia, a Wikipedia en galego.
Saltar ata a navegación Saltar á procura
Ramiro Paredes Ramos
Información persoal
Falecemento 6 de decembro de 1958
Nacionalidade España

Ramiro Paredes Ramos, Pareditas, finado o 6 de decembro de 1958 nun accidente aéreo, foi un futbolista, delegado e directivo galego que xogaba na demarcación de centrocampista.

Traxectoria[editar | editar a fonte]

Como xogador[editar | editar a fonte]

Procedente do Unión Sporting Club de Lavadores fichou polo Celta de Vigo na tempada 1928-29.

Na tempada 1929-30 disputou a primeira liga da historia, co Celta en Segunda División, tempada tráxica xa que o equipo descendeu a Terceira División. Ao ano seguinte o equipo conseguiu o retorno a Segunda, sendo Paredes un dos protagonistas. Ao rematar o curso celebrouse en Balaídos unha merecida homenaxe a Paredes fronte ao FC Porto con triunfo celeste por 2-0 con goles de Losada e Pepe Hermida.

O seu último partido co Celta disputouno o 24 de maio de 1936 contra o seu anterior club, o Unión Sporting.

Ao igual que moitos xogadores do Celta da época foi internacional coa Selección de fútbol de Galicia.

Como directivo[editar | editar a fonte]

Tras deixa-lo fútbol en activo foi delegado de campo e directivo do Celta e rexentou co tamén ex-xogador do Celta Alberty, o Bar Club na Rúa Colón.

O 4 de decembro de 1958 produciuse unha catástrofe aérea con víctimas mortais cando caeu un avión que saíra do Aeroporto de Peinador con destino a Madrid. O sucedido ao avión non se soubo ata días despois cando se atopou o aparato o 6 de decembro na Serra do Guadarrama, na provincia de Segovia, a unha altura de 1200 metros. No sinistro faleceron todos os pasaxeiros, cuxos corpos foron rescatados mediante mulas a causa do inaccesíbel da zona.

Á chegada dos corpos a Vigo congregáronse miles de persoas dende a estación de ferrocarril ata a Igrexa de Santiago, e de alí ao Cemiterio de Pereiró.

Palmarés[editar | editar a fonte]

Título Club Ano
Campionato de Galicia Celta de Vigo 1929-30
Campionato de Galicia Celta de Vigo 1931-32

Véxase tamén[editar | editar a fonte]

Ligazóns externas[editar | editar a fonte]