Rabixunco

Na Galipedia, a Wikipedia en galego.
Rabixunco
Phaethon aethereus Little Tobago.jpg
Estado de conservación
Pouco preocupante (LC)
Pouco preocupante[1]
Clasificación científica
Reino: Animalia
Filo: Chordata
Clase: Aves
Orde: Phaethontiformes
Familia: Phaethontidae
Xénero: Phaethon
Especie: P. aethereus
Nome binomial
Phaethon aethereus
Linnaeus, 1758

O rabixunco[2][3] (Phaethon aethereus) é unha ave mariña distribuída polas zonas tropicais dos océanos Atlántico, océano Índico e polo leste do Pacífico. A subespecie do Índico, P. a. indicus, foi nun tempo considerada unha especie separada: o rabixunco pequeno.

Descrición[editar | editar a fonte]

Os adultos son aves esveltas de plumaxe principalmente branca. Miden uns 48 cm de lonxitude, incluíndo as dúas plumas centrais da cola, que miden tanto como o resto do corpo. A envergadura das ás, que teñen marcas negras, e de ó redor dun metro. Teñen o bico vermello, máis alaranxado na subespecie P. a. indicus. O aspecto dos dous sexos é semellante, por ben que as plumas da cola sexan de media máis longas nos machos. Os exemplares novos son máis agrisados polo lombo, teñen o bico amarelo e fáltanlles ás plumas longas da cola.

A subespecie P. a. indicus ten o bico máis alaranxado.

Conduta[editar | editar a fonte]

Os rabixuncos reprodúcense en illas tropicais. Poñen un ovo só directamente no chan ou nunha cornixa nos acantilados. Acabada a época reprodutora espállanse por unha área ampla, aparecendo moito máis ó norte do seu territorio habitual, mesmo nalgunha ocasións nas costas europeas e do norte de América. Aliméntanse de peixes e luras, malia seren malos nadadores.

Notas[editar | editar a fonte]

  1. BirdLife International (2013). "Phaethon aethereus". Lista Vermella de especies ameazadas. Versión 2013.2. Unión Internacional para a Conservación da Natureza. Consultado o 26 November 2013. 
  2. Lista das aves de Galicia
  3. Conde Teira, Miguel Ángel (1999). Nomes galegos para as aves ibéricas: lista completa e comentada. Chioglossa. 

Véxase tamén[editar | editar a fonte]

Commons
Wikimedia Commons ten máis contidos multimedia na categoría: Rabixunco

Bibliografía[editar | editar a fonte]