Primož Brezec

Primož Brezec
Información persoal
Nacemento	2 de outubro de 1979 (43 anos); Postojna, Iugoslavia
Nacionalidade	Eslovenia
Altura	2,16 m (7 ft 1 in)
Peso oficial	116 kg (251 lb)
Posición	Pivote
Información da carreira
Pre-draft club	KK Union Olimpija
NBA Draft	2000 / Rolda: 1 / Elección: 27; Por Indiana Pacers
Carreira	1996–2017
Historial de equipos
	Kraski Zidar (1998–2001) Esl.; KK Union Olimpija (1998–2001); Indiana Pacers (2001–2004); Charlotte Bobcats (2004–2007); Detroit Pistons (2007–2008); Toronto Raptors (2008); Lottomatica Roma (2008–2009); Philadelphia 76ers (2009–2010); Milwaukee Bucks (2010); Krasnye Krylya (2010-2011); Lokomotiv Kuban (2011–2012); Nizhny Novgorod (2012–2014); AEK Larnaca (2015); Al Kuwait (2015); AEK Larnaca (2015−2017); Al-Ahli Manama (2017)

Primož Brezec, nado en Postojna o 2 de outubro de 1979, é un ex xogador esloveno de baloncesto profesional. Mide 2,16 metros e xogaba na posición de pivote.

Traxectoria[editar | editar a fonte]

Brezec creceu xogando en Kraski Zidar. Máis tarde xogou no KK Union Olimpija dende 1998 até 2001. Foi elixido na posición 27 do Draft da NBA de 2000 por Indiana Pacers. Tres anos despois e tras xogar poquísimo, foi elixido no draft de expansión polos Bobcats. No seu primeiro ano no equipo, tivo unha media de 13 puntos e 7 rebotes. O 14 de decembro de 2007 foi traspasado a Detroit Pistons xunto a Walter Herrmann a cambio de Nazr Mohammed.^[1]

Dous meses despois, foi traspasado a Toronto Raptors a cambio de Juan Dixon. Tras o seu paso pola Lottomatica Roma, en agosto de 2009 regresou á NBA, fichando por Philadelphia 76ers.^[2] En febreiro de 2010 foi traspasado a Milwaukee Bucks xunto con Royal Ivey a cambio de Francisco Elson e Jodie Meeks.^[3]