Pete Seeger

Pete Seeger
Nome completo	Peter Seeger
Nacemento	3 de maio de 1919
Lugar de nacemento	Nova York
Falecemento	27 de xaneiro de 2014
Lugar de falecemento	Manhattan
Nacionalidade	Estados Unidos de América
Relixión	Unitário-Universalismo
Alma máter	Universidade Harvard e Avon Old Farms
Ocupación	cantante, artista urbano, intérprete de banxo, musicólogo, cantautor, guitarrista, activista pola paz, mandolinist e artista discográfico
Pai	Charles Seeger
Nai	Constance de Clyver Edson
Cónxuxe	Toshi Seeger
Fillos	Mika Seeger
Irmáns	Peggy Seeger e Mike Seeger
Coñecido por	Where Have All the Flowers Gone?
Premios	National Medal of Arts, Grammy á carreira artística, Letelier-Moffitt Human Rights Award, War Resisters League Peace Award, Library of Congress Living Legend, Premio Kennedy, Paul Robeson Award, Schneider Family Book Award e Eugene V. Debs Award
Na rede
	http://www.peteseeger.net/
	[ editar datos en Wikidata ]
	v; c; e;

Peter Seeger, universalmente coñecido como Pete Seeger, nado en Nova York o 3 de maio de 1919 e finado o 27 de xaneiro de 2014 en Beacon, estado de Nova York, foi un musicólogo e cantante folk norteamericano.^[1] Considerado un dos pioneiros da música folk e tamén da música de protesta dos cantautores nos anos cincuenta e sesenta, pertenceu ós Almanac Singers e máis tarde ó cuarteto The Weavers, que conseguiu facer popular a música folk nos circuítos comerciais.

Traxectoria[editar | editar a fonte]

Carreira[editar | editar a fonte]

Estudou xornalismo en Harvard e durante anos buscou nos arquivos e bibliotecas dos Estados Unidos cancións tradicionais, rescatándoas e creando novos temas baseados na música tradicional, ademais de seguir o camiño iniciado por xente como Woody Guthrie. Son cancións súas as xa míticas "Where Have All the Flowers Gone?", "If I Had a Hammer" e "Turn, Turn, Turn", que foron gravadas por multitude de artistas, tanto de folk como doutros estilos.

Política[editar | editar a fonte]

Activista de esquerda durante toda a súa vida^[2] e membro do Partido Comunista dos Estados Unidos de América, compareceu diante o Comité de Actividades Antiamericanas e alí defendeuse acompañado polo seu banxo ofrecéndose a cantar para eles dixo "Teño cantado para moitas audiencias. Teño cantado en xunglas de vagabundos e cantei para os Rockefeller. Nunca me neguei a cantar para ninguén. Esa é a única resposta que podo dar. Estou orgulloso de ter cantado para os estadounidenses de todas as tendencias políticas".^[3]

Familia[editar | editar a fonte]

Era fillo de Constance de Clyver Edson e de Charles Seeger, un coñecido pacifista e musicólogo estadounidense, e sobriño de Alan Seeger,^[4] un poeta de guerra estadounidense de ascendencia alemá que loitou contra o Imperio alemán na Primeira guerra mundial e morreu en combate o 4 de xullo de 1916, durante a ofensiva do Somme, servindo na Lexión Estranxeira francesa.^[5] Foi pai de Mika Seeger e parella de Toshi Seeger. Pete Seeger era irmán dos tamén músicos folk Peggy Seeger e Mike Seeger.