PREC

 

PREC
Subclase de Portuguese transition to democracy (en)
Resultado Constitución portuguesa de 1976, estabilización política, fin da influencia militar directa na política,
Datas
Data de comezo 11 de marzo de 1975  Data de remate 25 de novembro de 1975
Localización
País Portugal
Identificadores
Freebase /m/011b1m8_
Wikidata C:Commons

O Proceso Revolucionário em Progreso (PREC), tamén coñecido como Período Revolucionário em Curso, designa, en sentido amplo, o período de actividades revolucionarias, salientábel na Historia de Portugal, que seguiu á Revolución dos Caraveis, iniciada co golpe militar do 25 de abril de 1974 e concluída coa aprobación da Constitución portuguesa en abril de 1976. O termo, porén, é frecuentemente usado para aludir ao período crítico do verán quente de 1975, co seu antes e despois, que culmina coa crise de 25 de novembro de 1975.

Nun sentido máis restrinxido, designa a acción de partidos, cadros militares e grupos de esquerdas que, entre efervescentes revoltas populares e certa desorde, lideraron o proceso político posterior ao 25 de abril “rumo ao socialismo”. No proceso, participaron activistas dun amplo espectro de partidos esquerdistas, desde o Partido Socialista (PS) até grupos maoístas como o MRPP. Entre eles, a pesar da contención ideolóxica, había unha estreita cohesión arredor dos chamados "ideais de abril" e a convicción de que en Portugal se instalaría unha verdadeira xustiza social.

Historia

Antecedentes

Despois da Revolución dos Caraveis o 25 de abril de 1974, que derrubou a prolongada ditadura do Estado Novo, Portugal atopábase nun estado de considerable fluxo político e social.

O PREC iniciouse cun intento de golpe de dereita o 11 de marzo de 1975, e foi marcado por unha serie de conflitos e golpes continuados que culminaron co Golpe do 25 de novembro de 1975, que efectivamente terminou o período revolucionario.

Desenvolvemento

Durante o PREC, o país experimentou nacionalizacións masivas, reformas agrarias e cambios sociais significativos impulsados por alianzas entre partidos políticos de esquerda e o MFA. Enfrontáronse a unha forte resistencia por parte de grupos de dereita e intereses establecidos, que temían un xiro cara ao comunismo. O período tamén estivo marcado por unha significativa efervescencia social, que incluíu ocupacións de terras e fábricas, e unha intensa actividade política que buscaba remodelar profundamente a sociedade portuguesa.

Conclusión

O PREC rematou cun golpe de dereita fracasado en novembro de 1975, que levou á estabilización política baixo un réxime moderado e á aprobación da Constitución portuguesa de 1976, que estableceu unha democracia parlamentaria. Este período consolidou as bases da democracia, terminou coa influencia directa dos militares na política e abriu o país a unha maior integración con Europa.

Véxase tamén

Bibliografía

• Varela, Raquel (2020). "A revolução dos cravos e o controlo operário". Revista Katálysis 23 (2): 327–337. ISSN 1982-0259. doi:10.1590/1982-02592020v23n2p327. 
• Suárez, Miguel (2018). Entre Outubro e Abril. Estudos sobre Trabalho, Revoluções e Movimentos Sociais no século XX. Famalicão. ISBN 978-989-755-379-0. 

Outros artigos

• Historia de Portugal
• Revolución dos Caraveis
• Transición española

Ligazóns externas

• Maio 1975 – Centro de Documentación 25 de Abril (Universidade de Coimbra)
• Agosto 1975 - Centro de Documentación 25 de Abril (Universidade de Coimbra)
• Cronoloxía das organizacións de dereitas (1973-1976) – Ponencia de Joseph Sánchez Carvello, Universidade Rovira i Virgili, Tarragona, no Centro de Documentación 25 de Abril (Universidade de Coimbra), 1994
• “O paseo ás aldeas”: a ruralidade na transición á democracia en Portugal Arquivado 08 de maio de 2013 en Wayback Machine. - Artigo de Sónia Vespeira de Almeida]
• Comício
• 11 de março, Eleições, PREC, Verão Quente e 25 de novembro
• A Nova Constituição, Eleição de Eanes e o Governo PS