Pedro Juan Méndez
| Biografía | |
|---|---|
| Nacemento | 12 de decembro de 1928  Sancedo, España |
| Morte | 11 de outubro de 2012 (83 anos) Ponferrada, España |
| Datos persoais | |
| Outros nomes | Jalisco |
| País de nacionalidade | España |
| Actividade | |
| Ocupación | guerrilleiro , membro da resistencia |
Pedro Juan Méndez, alcumado Jalisco, nado en Sancedo (provincia de León) o 12 de decembro de 1928 e falecido en Ponferrada o 11 de outubro de 2012, foi un guerrilleiro antifranquista berciano.
Traxectoria[editar | editar a fonte]
O seu pai Arsenio Juan Juan foi apresado en Asturias no 1937 e fusilado despois en León. Entre o ano 1942 e outubro de 1948, Pedro Juan Méndez foi enlace da Federación de Guerrillas León-Galicia. Tras pasar a Francia retornou ese mesmo ano para incorporarse ao Exército Guerrilleiro de Galicia, pasando a pertencer a II Agrupación. Na primavera de 1949, xunto a Silverio Yebra Granja "Atravesado”, Manuel Zapico Terente "Asturiano", Augusto Diéguez Yáñez "Rubio", Silvestre García López "Chimeneas", Roberto López Rodríguez "Virnes" e Odilo Fernández Rodríguez "Blas", uniuese ao grupo de Manuel Girón Bazán. O 17 de xullo de 1950 foi sorprendido con Manuel Girón, Silverio Yebra e Francisco Martínez López en Corporales (Truchas) onde despois dun combate de dez horas morreron os gardas civís Agustín Puente Martínez e Manuel Combarros García, e os guerrilleiros lograron romper o cerco. Permaneceu no grupo ata o asasinato de Girón en maio de 1951. Xunto con “Asturiano”, “Atravesado” e Francisco Martínez López "Quico", fuxiu cara a Francia, onde se presentaron ante as autoridades locais en setembro de 1951. Tras regresar a España residiu en Cacabelos. Morreu no Hospital do Bierzo o 11 de outubro de 2012.[1][2]
Notas[editar | editar a fonte]
- ↑ Muere el último guerrillero de la partida de Girón
- ↑ "Fallece Pedro Méndez "Jalisco" de la Agrupación Guerrillera de León-Galicia". AGE - Archivo, Guerra y Exilio (en castelán).
Véxase tamén[editar | editar a fonte]
Bibliografía[editar | editar a fonte]
- Redondo Abal, Francisco Xavier (2006). Botarse ao monte: censo de guerrilleiros antifranquistas na Galiza (1939-1965). Edicios do Castro. ISBN 978-84-8485-231-5.
- Serrano, Secundino (1986). La guerrilla antifranquista en León. Siglo XXI de España Editores. ISBN 84-323-0627-4.
- Macías, Santiago (2005). El monte o la muerte.