Pablo Escobar

Na Galipedia, a Wikipedia en galego.
Pablo Escobar
Pablo Escobar Mug.jpg
Nome completo Pablo Emilio Escobar Gaviria
Alcume El Patrón, Don Pablo, El Doctor, El Mágico, El Padrino, El Señor, El Zar de la Cocaína, El Duro e El Diablo
Nacemento 1 de decembro de 1949
Lugar Rionegro
Falecemento 2 de decembro de 1993
Lugar Medellín
Causa ferida por arma de fogo
Nacionalidade Colombia
Relixión Igrexa católica
Ocupación drug lord, político e empresario
Cónxuxe María Isabel Marieta
Fillos Sebastián Marroquín e Manuela Escobar
editar datos en Wikidata ]

Pablo Emilio Escobar Gaviria, nado en Rionegro, Antioquia, o 1 de decembro de 1949 e finado en Medellín o 2 de decembro de 1993, foi un narcotraficante colombiano. Foi o máximo líder do Cartel de Medellín e do grupo coñecido como Los Extraditables, chegou a ser o home máis poderoso da mafia colombiana, e mailo criminal máis rico e perigoso da súa época en todo o mundo.

Traxectoria[editar | editar a fonte]

As autoridades vincúlano ao asasinato de máis de 10.000 persoas; un dos seus principais gardacostas e lugartenentes, John Jairo Velásquez Vásquez, alias Popeye, relacionouno co asasinato de centos de persoas.[1] No medio da guerra encarnizada que realizou contra o Estado colombiano desde 1984, a súa organización foi responsable de numerosos actos de terrorismo, entre eles, a colocación de máis de 250 bombas e ducias de matanzas que deixaron un total de 1142 civís mortos, sen contar os miles de vítimas colaterais froito do fogo cruzado coas autoridades en Antioquia e Medellín. Foi responsable do asasinato de 657 policías entre 1989 e 1993,[2] e dun feroz enfrontamento co Cartel de Cali, os paramilitares do Magdalena Medio e finalmente con Los Pepes.

Organizou e financiou unha extensa rede de sicarios e, cos seus actos terroristas mediante o emprego de coches bomba nas principais cidades, desestabilizou Colombia, converténdose no criminal máis buscado do mundo a comezos dos anos 1990.[3][4] Tras fuxir do cárcere en xullo de 1992, o goberno de Colombia destinou uns catro mil efectivos e unha cantidade inxente de recursos para conformar o denominado Bloque de buscae recapturalo. Tras dezasete meses, e co respaldo incondicional de grupos da intelixencia estadounidenses, localizárono nun barrio de Medellín, morrendo nun tiroteo coas forzas da lei.

Co comercio de cocaína amasou a fortuna máis grande do seu país e unha das meirandes do mundo.[5] Alcuñado «El Patrón», a súa fortuna estimábase entre os 9000 e 15 000 millóns de dólares, aínda que segundo varias investigacións e informes da prensa especializada, o tráfico de drogas reportoulle beneficios de 25 000 millóns de dólares.[6][7][8][9]

Notas[editar | editar a fonte]