O sol do verán
| O sol do verán | |||
|---|---|---|---|
|
Título
O sol do verán  | |||
|
Instancia de
| |||
|
Forma artística
| |||
|
Lingua
| |||
| Autoría | |||
|
Autor/a
| |||
| Publicación | |||
|
Data de publicación
19 de abril de 2002 | |||
|
País de orixe
| |||
|
Premios
| |||
| Identificadores | |||
| |||
| Wikidata | |||
O sol do verán é unha novela en lingua galega do ourensán Carlos Casares Mouriño, conformada por nove capítulos e publicada por vez primeira pola Editorial Galaxia en 2002[1], algo máis dun mes despois do pasamento do escritor.
Descrición
[editar | editar a fonte]No relato, ambientado en 1968, Carlos, o protagonista, que comparte nome, data de nacemento e ata a marca da motocicleta (Harley-Davidson) co autor do libro, suicídase pegándose un tiro na cabeza na bañeira. Helena (coprotagonista), amiga da infancia, rememora o tempo que pasaron xuntos nos veráns no Carpazal. A acción desenvólvese en Galicia (Beiro, Bóveda, Allariz, Ourense, Tarascón…)
Outros personaxes do texto son: Arturo, marido de Helena; Carmela e Indalecio, pais de Helena; Mercedes e Adolfo, tíos de Helena; Mariví, irmá de Helena; Amparo, noiva de Carlos; Leopoldo e Elisa, pais de Carlos; Anselmo, Delfina e Susa, criados, e Rafaela, avoa de Helena.
Na obra aparecen varias referencias culturais contemporáneas (José María Pemán, o xornal ABC, o profesor Aranguren, os monos de Gibraltar…)
| “ | A verdade de ser e de sentir — Albert Camus (cita inicial). |
” |
Edicións
[editar | editar a fonte]Casares entregoulle a Damián Villalaín,[2] subdirector da editorial, a versión definitiva da novela xustamente o día do seu falecemento.[3] O libro rematouse de imprentar nos talleres de Obradoiro Gráfico no Polígono Industrial do Rebullón, de Mos, o 19 de abril de 2002. Saíu á venda o Día Internacional do Libro e presentouse ao público o 8 de maio.[3]
En 2003 foi traducido ao castelán, publicado pola Editorial Alfaguara[4] e en 2004 editouse en castelán en braille, pola ONCE.[5]
Notas
[editar | editar a fonte]- ↑ "Imaxe da portada da 1ª ed. Na colección «Literaria»". Arquivado dende o orixinal o 17/08/2016. Consultado o 15/07/2016.
- ↑ Riveiro Coello, A. (2017). Carlos Casares. O neno que quería xogar co mundo. La Voz de Galicia. ISBN 978-84-9757-313-9.
- ↑ 3,0 3,1 "A derradeira novela de Carlos Casares". La Voz de Galicia (en castelán). 8/5/2002. Arquivado dende o orixinal o 21/12/2016. Consultado o 16/12/2016.
- ↑ Imaxe da portada da edición en castelán, de Alfaguara
- ↑ Biblioteca de Tradución Galega Arquivado 24 de setembro de 2016 en Wayback Machine. Universidade de Vigo.
Véxase tamén
[editar | editar a fonte] |
A Galicitas posúe citas sobre: O sol do verán |
Bibliografía
[editar | editar a fonte]- Tarrio Varela, A. (10/12/2002). "A obra narrativa de Carlos Casares" (PDF). Revista Galega do Ensino (38): 15–45.
