Solenogastro

Solenogastros

Epimenia verrucosa

Reino:	Animalia
Subreino:	Eumetazoa
Sen rango:	Bilateria
Superfilo:	Lophotrochozoa
Filo:	Mollusca
Clase:	Solenogastres

Ordes

Os Solenogastros (Solenogastres), Solenogástreos (Solenogastrea) ou Neomeniomorfos (Neomeniomorpha) son unha clase moluscos vermiformes exclusivamente mariños que viven e se alimentan sobre cnidarios a grandes profundidades (por debaixo dos 200 m). Son epifaunais, a diferenza dos caudofoveados que viven baixo o substrato (infaunais). Coñécense unhas 250 especies.^[1]

Como os caudofoveados, carecen de cuncha e por isto antes agrupábanse con eles na clase dos aplacóforos, hoxe considerada por moitos autores como parafilética debido a existencia de novas probas moleculares, fundamentalmente .^[1]^[2]^[3]

Características[editar | editar a fonte]

Os solenogastros son moluscos pequenos (en xeral de menos de 5 cm).^[1] Carecen de cuncha, ollos e tentáculos. A epiderme presenta na súa parte máis externa unha cutícula quitinosa e espículas de calcita e aragoníticas. Presentan un pé que esvara atravesado por un suco lonxitudinal ventral chamado suco pedal ou pedio. A cavidade paleal está moi modificada e non amosan ctenidios (branquias). Presentan unha boca anterior con cirros ou papilas sensoriais. O aparato dixestivo presenta divertículos intestinais que maximizan a superficie de absorción de nutrientes. Presentan glándulas salivares moi elaboradas utilizadas para a clasificación taxonómica e algunhas especies teñen rádula.

Son hermafroditas (monoicos) con fecundación cruzada; os gametos saen á cavidade paleal polos gonoductos a través da cavidade pericárdica. Presentan unha endolarva lecitotrófica (aliméntase do vitelo do ovo), ou unha larva trocófora planctotrófica (aliméntase de plancto) nalgunhas especies.

Clasificación[editar | editar a fonte]

Dentro dos solenogastros coñécense os seguintes Ordes:

Clase SOLENOGASTRES

PHOLIDOSKEPIA
- Dondersiidae
- Sandalomeniidae
- Gymnomeniidae [+Wireniidae]
- Lepidomeniidae
- Macellomeniidae
NEOMENIAMORPHA
- Neomeniidae
- Hemimeniidae
STERROFUSTIA
- Phyllomeniidae
- Imeroherbiidae
- Heteroherbiidae
CAVIBELONIA
- Pararrhopaliidae
- Acanthomeniidae
- Amphimeniidae
- Simrothiellidae
- Drepanomeniidae
- Strophomeniidae
- Proneomeniidae
- Epimeniidae
- Syngenoherbiidae
- Rhipidoherpiidae

Notas[editar | editar a fonte]

↑ ^1,0 ^1,1 ^1,2 "Paleos: Solenogastres". Arquivado dende o orixinal o 27 de maio de 2008. Consultado o 23 de decembro de 2009.
↑ Brusca, R. C. & Brusca, G. J., 2005. Invertebrados, 2ª edición. McGraw-Hill-Interamericana, Madrid (etc.), XXVI+1005 pp. ISBN 0-87893-097-3.
↑ "Tree of Life". Arquivado dende o orixinal o 13 de xaneiro de 2013. Consultado o 23 de decembro de 2009.

Véxase tamén[editar | editar a fonte]

Outros artigos[editar | editar a fonte]

[Paleos-1] 1,0 ^1,1 ^1,2 "Paleos: Solenogastres". Arquivado dende o orixinal o 27 de maio de 2008. Consultado o 23 de decembro de 2009.

[2] Brusca, R. C. & Brusca, G. J., 2005. Invertebrados, 2ª edición. McGraw-Hill-Interamericana, Madrid (etc.), XXVI+1005 pp. ISBN 0-87893-097-3.

[3] "Tree of Life". Arquivado dende o orixinal o 13 de xaneiro de 2013. Consultado o 23 de decembro de 2009.

[1]

[2]

[3]