Nairo Quintana
| Nairo Quintana | |
|---|---|
.jpg) | |
| Información persoal | |
| Nacemento | 4 de febreiro de 1990 (33 anos) Tunja, Boyacá |
| Nacionalidade |  Colombia
|
| Equipo | |
| Último equipo | Movistar Team |
| Perfil de corredor | Escalador |
| Equipo(s) Pro | |
| 2009 20010-11 2012-actualidade |
Boyacá es para Vivirla Café de Colombia/Colombia es Pasión Movistar Team |
| Principais vitorias | |
| Tour de Francia: montaña (2013) clasificación dos mozos (2013 e 2015) e 1 tirada Giro de Italia: clasificación xeral (2014) clasificación dos mozos (2014) e 2 tiradas Volta ao País Vasco (2013) Tirreno-Adriático (2015) Volta a Cataluña (2016) Tour de Romandía (2016) | |
Nairo Alexander Quintana Rojas, nado en Tunja (Boyacá) o 4 de febreiro de 1990, é un ciclista profesional colombiano pertencente ao equipo Movistar Team de categoría UCI ProTour. Anteriormente correra como afeccionado e profesional no equipo boiacence Boyacá es Para Vivirla, destacándose como escalador.
Traxectoria[editar | editar a fonte]
Aprendeu a montar en bici de adolescente para ir á escola. No ano 2009 fichou polo equipo afeccionado Boyacá es para Vivirla, dirixido por Vicente Belda. Nese ano participou en probas europeas do UCI Europe Tour, como a Volta á Comunidade de Madrid, o Circuíto Montañés, a Clásica de Ordizia o Circuíto de Getxo e a Subida a Urkiola. En setembro dese ano participou na categoría sub'23 do Mundial de Mendrisio, rematando 26º na proba contra o reloxo e retirándose na proba en ruta.
En 2010 pasou ao equipo Café de Colombia-Colombia es Pasión, tamén de categoría Continental, dirixido por Luis Fernando Saldarriaga. Gañou o Tour do Porvenir e as dúas últimas etapas da proba.
En 2011 mantívose no equipo, que ascendeu de categoría e pasou a ser Profesional Continental. Isto permitiulle participar en probas do UCI WorldTour, como a Volta a Cataluña (onde gañou a clasificación da montaña), o GP Miguel Indurain, a Klasika Primavera ou a Volta a Castela e León.
En 2012 fichou polo equipo español Movistar, de categoría ProTeam. En marzo gañou a Volta a Murcia, da que gañou a primeira etapa. En maio foi segundo na Volta á Comunidade de Madrid. En xuño gañou a etapa destacada do Critérium do Dauphiné, con meta en Morzine. Á semana seguinte gañou a Ruta do Sur, logo de gañar a penúltima etapa. Na Volta a España foi gregario de Alejandro Valverde, e rematou no posto 36º, contribuíndo á vitoria na contra o reloxo por equipos inaugural disputada en Pamplona. Despois desa proba participou no Giro da Lombardía, e o Giro de Emilia, que acabou gañando.
En 2013 rematou sétimo na Volta a Andalucía e undécimo na Volta a Murcia. En marzo rematou 15º na París-Niza. Á semana seguinte foi 4º na Volta a Cataluña, gañando unha etapa. En abril gañou a Volta ao País Vasco, logrando tamén unha etapa e o premio á regularidade[1]. En xullo participou no Tour de Francia; inicialmente ía como gregario de Alejandro Valverde, mais un problema técnico deste fixo que pasase a ser o mellor colocado do equipo. Finalmente acadou o 2º posto na clasificación xeral, o maillot de campión da montaña, e o trofeo de corredores novos. En agosto gañou a Volta a Burgos.
No ano 2014 gañou o Giro de Italia.
Palmarés[editar | editar a fonte]
2010
- Tour do Porvir (e 2 tiradas)
2012
- Volta a Murcia (e 1 tirada)
- 1 tirada do Critérium do Dauphiné
- Ruta do Sur (e 1 tirada)
- Giro de Emilia
2013
- 1 tirada da Volta a Cataluña
- Volta ao País Vasco (e 1 tirada e regularidade)
- Tour de Francia: 2ª posición, 1 tirada, líder da montaña e líder de corredores mozos
- Volta a Burgos (e 1 tirada)
2014
- Giro de Italia (e 2 etapas)
- Volta a Burgos (e 1 etapa)
2015
- Tirreno-Adriático, máis 1 tirada
- 2.º no Tour de Francia, máis clasificación dos mozos
- 3.º no UCI WorldTour
2016
- Volta a Cataluña
- Tour de Romandía, máis 1 tirada
Resultados en grandes voltas e campionatos do mundo[editar | editar a fonte]
 | Este artigo (ou sección) está desactualizado(a). A información fornecida mudou ou é insuficiente. |
| Carreira | 2012 | 2013 | 2014 | 2015 | 2016 |
|---|---|---|---|---|---|
| Giro de Italia | - | - | 1º | - | - |
| Tour de Francia | - | 2º | - | 2º | 3º |
| Volta a España | 36º | - | Ab. | 4º | - |
Mundial en Ruta 
|
69º | - | - | - | - |
-: non participa
Ab.: abandono
Equipos[editar | editar a fonte]
- Boyacá es Para Vivirla (2009)
- Café de Colombia/Colombia es Pasión (2007-2011)
- Café de Colombia-Colombia es Pasión (2010)
- Colombia es Pasión-Café de Colombia (2011)
- Movistar Team (2012-)
Notas[editar | editar a fonte]
- ↑ "Nairo Quintana, el hombre de los imposibles", artigo en El Tiempo, 6 de abril de 2013 (en castelán).
Véxase tamén[editar | editar a fonte]
Ligazóns externas[editar | editar a fonte]
- Ficha de Nairo Alexander Quintana (cqranking.com)
- "Quintana, el amarillo de la necesidad", artigo en Diario Vasco, 12 de abril de 2013 (en castelán).
