Mozilla Firefox

Na Galipedia, a Wikipedia en galego.
Mozilla Firefox
Firefox Logo, 2017.svg
Firefox Quantum (57.0) on Windows 10.png
Mozilla Firefox 57 en Windows 10.
Desenvolvedor(es) Mozilla Foundation
Publicación inicial 23/09/2002
Última versión 57.0[1]
(14 de novembro de 2017)
Repositorio dxr.mozilla.org
Escrito en C++, JavaScript, HTML, C, Rust[2]
Sistema operativo Linux, macOS, Windows, Android, iOS[3]
Lingua/s 91[4]
Galego: OK
Tipo Navegador web
Licenza MPL 2.0[5]
Sitio web www.mozilla.org

Mozilla Firefox (ou só Firefox) é unha aplicación para a navegación web, libre e de código aberto[6] e que desenvolve o proxecto o grupo Mozilla Corporation da organización aberta Fundación Mozilla. É multiplataforma e está dispoñíbel para os sistemas operativos Linux, macOS e Windows, así como en Android (como Firefox para Android) e iOS. Emprega o motor de rendemento web Quantum (que substituíu a Gecko), e executa os modelos web actuais e os próximos a ser aprobados.[7] En 2015 liberouse Firefox para iOS, que emprega WebKit no canto de Gecko por restricións de Apple no desenvolvemento do seu sistema operativo móbil.[8] O código fonte de Firefox está dispoñíbel baixo os termos MPL.[9]

Firefox foi creado pola comunidade Mozilla en 2002 co nome de Phoenix[10] coa intención de ter un navegador web independente, e non ancorado a un paquete completo como era a Mozilla Application Suite. Xa na súa fase beta Firefox gañou popularidade grazas a que, segundo dicían, era máis veloz, seguro e incorporaba melloras engadidas en comparanza co Internet Explorer 6 de Microsoft, que naquela hora era o navegador dominante. O primeiro lanzamento de Firefox, a versión 1.0, foi en novembro de 2004,[11] e popularizouse ata acadar os 60 millóns de descargas en nove meses, poñendo por primeira vez en cuestión o dominio de Internet Explorer.[12] Considérase que Firefox é o sucesor da filosofía de Netscape Navigator xa que Mozilla creou en 1998 ese proxecto, aínda que despois foi comprado por AOL.[13]

O uso de Firefox chegou ata o 32% de usuarios en 2009,[14] na súa versión 3.5 e converténdose no navegador máis popular.[15][16] A saída ao mercado de Google Chrome fixo que a súa cota de uso baixara.[14] En 2017 o seu uso estivo entre o 5.96 e o 13.6% no mundo en uso de escritorio e foi o segundo navegador máis empregado.[17][18][19][20] Segundo Mozilla, en 2014 Firefox chegou aos mil millóns de usuarios no mundo.[21]





Circle frame.svg

Cota de uso de navegadores web (novembro de 2014 – novembro de 2015[22])      Google Chrome (50,13%) (50.13%)     Internet Explorer (18.07%) (18.07%)     Mozilla Firefox (16.23%) (16.23%)     Safari (10.03%) (10.03%)     Opera (1,65%) (1.65%)     Outros (3.89%) (3.89%)


Localización[editar | editar a fonte]

Firefox está amplamente localizado e traducido a múltiples linguas e culturas, entre elas o galego. A súa primeira versión de novembro de 2004 estivo dispoñible en 24 linguas e 28 configuracións locais (como inglés británico ou americano)[23] En 2017 contaba na súa versión 57.0 con 89 configuracións locais e 79 linguas.[24]

Galería[editar | editar a fonte]

Notas[editar | editar a fonte]

  1. "Firefox-notas- (57.0) -Mozilla" (en inglés). Consultado o 15 de novembro de 2017. 
  2. Yegulalp, Serdar (3/2/2017). "Mozilla binds Firefox's fate to the Rust language". InfoWorld. 
  3. "Firefox 57.0 System Requirements". 
  4. MDN Webdocs, Mozilla (eds.). "Localization at Mozilla". 
  5. "Mozilla". Mozilla. 
  6. "Debian and Mozilla – a study in trademarks". LWN.net. 
  7. download-firefox.org, ed. (17/07/2008). "Gecko Layout Engine". Arquivado dende o orixinal o 17/07/2010. 
  8. Sebastian Anthony (11/12/2015). Arstechnica, eds. "Firefox finally comes to iOS - But, as expected, it uses WebKit rather than Gecko.". 
  9. The Mozilla Foundation (eds.). "Licensing & Trademarks". 
  10. Mozilla Foundation (eds.). "Phoenix 0.1 (Pescadero) Release Notes and FAQ". 
  11. "Firefox browser takes on Microsoft". BBC. 
  12. "Business – The assault on software giant Microsoft". BBC. 
  13. Jay, Paul (6/08/2010). CBC News, eds. "Curtains for Netscape – Tech Bytes". 
  14. 14,0 14,1 StatCounter. "StatCounter Global Stats – Browser, OS, Search Engine including Mobile Usage Share". gs.statcounter.com. Consultado o 16/09/2016. 
  15. Nick Eaton. seattlepi blogs, eds. (21/12/2009). "Firefox 3.5 is world's most popular browser, StatCounter says". 
  16. "StatCounter global stats – Top 12 browser versions". StatCounter. 
  17. "Desktop Browser Market Share Worldwide: Apr 2016 - Sept 2017". StatCounter Global Stats. StatCounter. 
  18. "Web Browser Market Share Trends". W3Counter. Awio Web Services LLC. 
  19. "Desktop Browser Market Share". Net Applications. 
  20. "Web browsers (Global marketshare)". Clicky. Roxr Software Ltd. 
  21. Mozilla Press Center, Mozilla (eds.). "At a Glance". 
  22. StatCounter
  23. "Index of /pub/firefox/releases/1.0/win32/". Consultado o August 22, 2011. 
  24. "Mozilla Firefox release files". Mozilla. Arquivado dende o orixinal o |url-arquivo= require |data-arquivo= (Axuda). 

Véxase tamén[editar | editar a fonte]

Outros artigos[editar | editar a fonte]

Ligazóns externas[editar | editar a fonte]