Fundación Mozilla

Na Galipedia, a Wikipedia en galego.
Saltar ata a navegación Saltar á busca
Fundación Mozilla
Mozillaheadquarters.jpg
Sede da Fundación Mozilla
Tipo Organización sen fins lucrativos
Data de creación 15 de xullo de 2003
Sede Mountain View, California, Estados Unidos de América Estados Unidos

A Fundación Mozilla é unha fundación sen fins lucrativos dedicada á creación de software libre para internet a través do proxecto de código aberto Mozilla Application Suite. A sede legal da Fundación está en Mountain View, en California. Mozilla Corporation é a empresa subsidiaria da Fundación que desde 2005 desenvolve os seus programas e os seus beneficios invístense no proxecto Mozilla.

A Fundación Mozilla matén relacións de colaboración con Mozilla Europa, Mozilla Xapón e Mozilla China aínda que son organizacións independentes da propia Fundación.

Os produtos máis coñecidos do proxecto Mozilla son o navegador web Mozilla Firefox e o cliente de correo Mozilla Thunderbird

Orixe[editar | editar a fonte]

O 23 de febreiro de 1998, Netscape creou a organización Mozilla para coordinar o desenvolvemento da Mozilla Application Suite. Consistía maioritariamente en empregados da propia Netscape, mais traballando en teoría independentemente de Netscape, que desenvolveron o navegador Mozilla para probas non para uso común, o que levou á creación da suite Beonex Communicator, baseada no código de Mozilla, para o usuarios finais.

Cando America Online (AOL, a propietaria de Netscape) reduciu drasticamente a súa participación na Mozilla Organization, estableceuse a Fundación Mozilla o 15 de xullo de 2003 para asegurar a supervivencia de Mozilla sen Netscape. AOL axudou na creación da Fundación, transferindo hardware e a propiedade intelectual á nova organización e pagando un equipo de tres persoas durante os primeiros tres meses para axudar coa transición e prometeu doar dous millóns de dólares á fundación nos dous anos seguintes.

Véxase tamén[editar | editar a fonte]

Outros artigos[editar | editar a fonte]