Este single foi lanzado o ano 2004. Foi o primeiro da artista en ser lanzado nos novos formatos que Avex comezou a probar cos seus artistas lanzando singles en dous formatos diferentes: o CD sinxelo común e ademais outra edición cun DVD extra que incluía o vídeo musical da canción, e nalgunhas ocasións outro material adicional. No caso de Ayumi, este primeiro single lanzado en formato CD+DVD, incluía unicamente o vídeo musical.
O single tamén foi un grande éxito, permanecendo por dúas semanas consecutivas no primeiro posto das listas de Oricon, e tamén sendo o décimo noveno single de Ayumi en conseguilo. Tamén lle valeu unha invitación para participar no popular programa de fin de ano Kōhaku Uta Gasen.
Esta foi a primeira canción que contou con composicións e arranxos de HIKARI, músico que despois tamén traballaría en varias cancións para a cantante do seu álbum MY STORY, onde esta canción tamén foi incluída. O tema caracterízase por ser un dos únicos singles orientados o Pop/Rock.
En entrevistas, Ayumi dixo que "Moments" realmente foi escrita arredor do ano 2000, no período de lanzamentos de "Vogue", "Far away" e "Seasons", e hai rexistro de versións anteriores á que foi gravada finalmente en 2004 e convertida en single. Unha versión absolutamente distinta pode apreciarse no comercial dos produtos VISÉE de KOSÉ Corporation. Cabe mencionar ademais que este comercial sería o último feito por Ayumi para dita empresa, xa que despois foi substituída pola cantante Beni Arashiro.
Tamén é a apertura do videoxogo (non oficial) de Fullmetal Alchemist Blue Bird Illusion.
