A canción tamén a podemos atopar no seu álbum I am.., aínda que se debe sinalar que a versión incluída no single é bastante diferente á do álbum (Endless sorrow ~gone with the wind ver.~). A versión do álbum e máis longa e ten un son máis escuro, mentres que a versión do single ten unha marcada tendencia ó rock.
A versión orixinal de Endless Sorrow foi o tema principal do drama xaponés "Mukashi no otoko", que foi emitido por TBS. O "Kirai Natsu Ayu Mix" de Vogue usouse nun comercial da marca KOSÉ no que aparece a mesma Ayu[1].
No vídeo da canción Endless Sorrow aparece un mozo vivindo nunha sociedade onde falar está prohibido. O mozo, porén, escala unha torre, atopándose a un home (presumiblemente un sacerdote debido as súas roupaxes) e a un anxo cunha única á que parece idéntico ó mozo. Agás de na portada do single, Hamasaki non aparece na versión orixinal do vídeo, pero nunha versión posterior aparecería no final do mesmo[2].
