Mini

Mini
	;
Biografía
Nacemento	18 de xuño de 1951 (72 anos); Begonte, España
Alcalde
Deputado do Parlamento de Galicia
Datos persoais
Outros nomes	Mini
País de nacionalidade	España
Actividade
Ocupación	músico , político , musicólogo
Partido político	Bloque Nacionalista Galego
Lingua	Lingua galega e lingua castelá
Familia
Fillos	Navia Rivas

Para outras páxinas con títulos homónimos véxase: Mini (homónimos).

Xosé Luís Rivas Cruz, alcumado Mini, nado en San Martiño de Pacios (Begonte) o 18 de xuño de 1951, é un profesor, cantautor, compositor, musicólogo e político galego.

Traxectoria[editar | editar a fonte]

Impartiu clases nunha escola unitaria no concello de Boimorto, e máis tarde sería profesor no CPI Armando Cotarelo Valledor. Mentres, desenvolveu un amplo labor cultural dentro da música, na que se segue a manter de forma activa.

Formou parte da banda Fuxan os ventos dende a súa fundación até 1982 para despois, en 1984, xunto co seu compañeiro Baldomero Iglesias Dobarrio "Mero", formar A Quenlla, grupo no que continúa na actualidade. Nese mesmo ano fixo a música para a curtametraxe Mamasunción. No ano 2007 cedeu, canda o seu compañeiro "Mero", as recollas de cantos, bailes, lendas e refráns recompiladas ao longo da súa traxectoria, ao museo do pobo galego.^[1] Todo este repertorio foi dixitalizado e posto a disposición dos interesados no patrimonio oral galego.^[2]

Nas eleccións municipais de 2015 presentouse como cabeza de lista do BNG-Asembleas Abertas e foi elixido alcalde de Boimorto co apoio do PSdeG.^[3] Dous meses despois Gonzalo Concheiro, candidato do PP, pasa a ser novo alcalde de Boimorto tras prosperar unha moción de censura do PP apoiada por un concelleiro que fora elixido nas listas do PSdeG-PSOE pero que pasara a ser non adscrito no mes de xullo.

Tras as eleccións ao Parlamento de Galicia 2016 foi elixido deputado polo BNG para a 10.ª lexislatura, sendo reelixido nas eleccións de 2020.

É pai da tamén cantante e política Navia Rivas.

Predecesor:
Ana Ledo

Alcalde de Boimorto
2015

Sucesor:
Gonzalo Concheiro

Obra musical[editar | editar a fonte]

Destaca como compositor e adaptador de cancións galegas e leva a cabo un intenso labor de recompilación do folclore de Galiza. Así, ten editados trece álbums e ten arranxado as músicas para os seguintes vídeos: