Mikel Irujo
  | |
| Biografía | |
|---|---|
| Nacemento | 6 de outubro de 1972 (51 anos) Caracas, Venezuela |
Q111201414  | |
| 4 de febreiro de 2021 – ← Manuel Ayerdi Olaizola (pt) | |
 Eurodeputado | |
Representa: Eusko Alkartasuna 19 de xuño de 2007 – 13 de xullo de 2009 Lexislatura: VI Legislatura do Parlamento Europeu (pt) Circunscrición electoral: España | |
| Datos persoais | |
| País de nacionalidade | España |
| Educación | Universidade de Navarra |
| Actividade | |
| Lugar de traballo | Estrasburgo Bruxelas |
| Ocupación | político |
| Partido político | Geroa Bai Euzko Alderdi Jeltzalea - Partido Nacionalista Vasco Eusko Alkartasuna |
| Membro de | |
| Lingua | Lingua castelá e lingua éuscara |
| Familia | |
| Pais | Pello Irujo (en) e Arantzazu Amezaga Iribarren (pt) |
Mikel Irujo Amezaga, nado en Caracas o 6 de outubro de 1972, é un doutor vasco en dereito europeo, deputado do Parlamento Europeo (2007-2009) e delegado do Goberno de Navarra en Bruxelas.
Traxectoria[editar | editar a fonte]
Mikel Irujo pertence á saga familiar vinculada ó nacionalismo vasco e oriúnda de Lizarra. É fillo do dirixente do PNV e de EA Peio Irujo, que permaneceu no exilio venezolano case trinta anos e que á súa vez era sobriño de Manuel Irujo, deputado e ministro do PNV no goberno da República.[1]
Formación e traxectoria profesional[editar | editar a fonte]
Licenciado en Dereito pola Universidade de Navarra (1995), doutorouse en Dereito pola Universidade Pública Vasca-Euskal Herriko Unibertsitatea (UPV-EHU) en 2016. Ten tamén diversos títulos de posgrao especializados en política europea (2002) e Dereito Comunitario (2004). Publicou diversos estudos xurídicos relacionados coa Unión Europea e o País Vasco: Estatu Gabeko Nazioak Europako Batasunean (Sociedade de Estudos Vascos-Eusko Ikaskuntza, 2002) e Euskal Herria na Unión Europea (Eusko Alkartasuna, 2001), Panorámica actual de la comitología (Aranzadi, 2003), El coste de la no Europa (2008), Basque political system (Universidade de Reno, 2012).[2][3]
Traballou dende xuño de 1996 de analista de lexislación comunitaria e responsable do tesauro de lexislación na Editorial Aranzadi. En 2009, ó seu regreso a Thomson Reuters Aranzadi, até 2015, créase, a iniciativa propia, a Unidade de Licitacións da UE, onde a empresa adxudica diversos proxectos da Comisión Europea, Parlamento Europeo, Comité das Rexións, Banco Mundial e Oficina de Publicacións de Luxemburgo.
Traxectoria política[editar | editar a fonte]
Como membro de Gazte Abertzaleak, as mocidades de Eusko Alkartasuna, formou parte do Consello da Mocidade de Navarra entre 1991 e 1993. Foi secretario de Asuntos Internacionais de Gazte Abertzaleak entre 1994-1996 e, novamente, entre 1998 e 2002. Na súa traxectoria europea, foi o primeiro presidente da ALE-Youth, organización xuvenil da Alianza Libre Europea, da que tamén foi vicepresidente.[2]
Foi asesor parlamentario e responsable da oficina de Eusko Alkartasuna no Parlamento Europeo entre 1999 e 2002. Ocupou o segundo posto da candidatura Europa dos Pobos nas eleccións europeas do 13 de xuño de 2004. Entre xuño de 2007 e o final da sexta lexislatura da eurocámara, en xullo de 2009, ocupou o posto de europarlamentario que lle correspondía na quenda rotatorio estabelecido entre os representantes dos partidos integrados na candidatura Europa dos Pobos e foi membro das comisións parlamentarias de Educación e Cultura e Cooperación ao Desenvolvemento, así como da Asemblea Parlamentaria da ACP (África, Caribe e Pacífico).[4]
Foi secretario de comunicación e voceiro da executiva de Eusko Alkartasuna entre o congreso de decembro de 2007 e o de xuño de 2009. Neste congreso Mikel Irujo foi substituído por Maiorga Ramírez.[5]. Foi concelleiro de Nafarroa Bai no concello de Ultzama entre 2007 e 2011.[6]
É Membro da Asemblea de Eurobask (Consello Vasco do Movemento Europeo).
En agosto de 2015 foi nomeado delegado do Goberno de Navarra en Bruxelas (sede da Unión Europea) e posteriormente membro alterno do Comité das Rexións[7], representando ó Goberno de Navarra, onde foi autor de dous informes, sobre Estratexias de Especialización Intelixente (RIS3) e Reforzamento da Innovación nas Rexións .[2][8][9][10]
Notas[editar | editar a fonte]
- ↑ Fallece Peio Irujo, dirigente del PNV en la Transición y expresidente de EA en Navarra, Diario de Navarra, 8 de setembro de 2008.
- ↑ "Publicaciones de Mikel Irujo, Dialnet".
- ↑ Ficha personal de Mikel Irujo en el Parlamento Europeo.
- ↑ El navarro Maiorga Ramírez sustituye a Mikel Irujo como portavoz de EA, Diario Vasco, 23 de xuño de 2009.
- ↑ Mikel Irujo: "La planta de biogás de Ultzama suscitaba dudas por su opacidad y falta de información" Arquivado 16 de decembro de 2019 en Wayback Machine., Noticias de Navarra, 9 de febreiro de 2018.
- ↑ "Ficha personal de Mikel Irujo del Comité de las Regiones". Arquivado dende o orixinal o 29 de decembro de 2016. Consultado o 16 de decembro de 2019.
- ↑ "Ficha persona de Mikel Irujo del Gobierno de Navarra" (PDF).
- ↑ "Smart specialisation strategies: Stronger focus on synergies and interregional cooperation, 21 de marzo 2017". Arquivado dende o orixinal o 29 de decembro de 2016. Consultado o 16 de decembro de 2019.
- ↑ "Las regiones y las ciudades piden una nueva «especialización inteligente 2.0» construida sobre la base de la cooperación interregional, 16 de mayo de 2018".