Europa dos Pobos

Europa dos Pobos (EdP) é unha coalición de partidos políticos nacionalistas de esquerda de diversas rexións de España, formada inicialmente para participar nas Eleccións ó Parlamento Europeo de xuño do 2004, nas cales acadaron un escano que ocupou Mikel Irujo.

A coalición reivindica, entre outros, a constitución das institucións europeas nunha estrutura bicameral; o recoñecemento oficial a nivel europeo de tódalas linguas do continente; o desenvolvemento de eurorrexións; e unha maior transparencia e apertura na xestión da Unión Europea.

Partidos membros

Os partidos que compoñen Europa dos Pobos son:

• Cataluña: Esquerra Republicana de Catalunya (ERC)
• País Vasco: Eusko Alkartasuna (EA)
• Aragón: Chunta Aragonesista (CHA)
• Andalucía: Partido Socialista de Andalucía (PSA)
• Asturias: Andecha Astur (AA)
• Cantabria: Conceju Nacionaliegu Cántabru (CNC)
• A Rioxa: Iniciativa Ciudadana (ICLR)

Alternativa Popular Canaria non formou parte da coalición, se ben pediu o voto para a mesma.