Menchu Lamas

Na Galipedia, a Wikipedia en galego.
Saltar para a navegação Saltar para a pesquisa
Menchu Lamas
Nacemento 7 de xullo de 1954
  Vigo
Nacionalidade España
Ocupación pintora
Cónxuxe Antón Patiño Pérez
Premios Premio Cultura Galega das Artes Plásticas
editar datos en Wikidata ]

Carmen Lamas Pérez, coñecida como Menchu Lamas, nada en Vigo o 7 de xullo de 1954, é unha pintora galega.

Traxectoria[editar | editar a fonte]

Estudou Deseño Gráfico na Institución Artística de Ensinanza de Madrid. Iniciou a súa traxectoria co Colectivo da Imaxe, con Carlos Berride, Antón Patiño e Jorge Agra. Estreou exposición nas colectivas da praza da Princesa de Vigo en 1974 e entrou en contacto co Grupo Rompente, co que colaborou na maqueta dos poemarios. Foi cofundadora do Grupo Atlántica en 1980, con Antón Patiño, Ánxel Huete, Guillerme Monroy e Román Pereiro. En 1982 fixo a súa primeira mostra individual na galería Buades de Madrid.

A súa obra evolucionou dende a primixenia iconografía de raíz autóctona e cromatismo forte cara a unha sintetización que dota a superficie pictórica dunha orde construtiva na que se axustan formas e/ou siluetas a xeito de signos, emparentadas coas culturas exóticas e primitivas. Tecnicamente usa os grandes formatos e a brochada. Os seus cadros están presentes no Museo de Arte Contemporánea de Madrid e nos museos galegos.

No ano 2018[1] é nomeada académica numeraria da Real Academia Galega de Belas Artes na sección de pintura e gravado.

Premios[editar | editar a fonte]

Foi Premio Cultura Galega das Artes Plásticas en 2010.

Vida persoal[editar | editar a fonte]

Casou co pintor Antón Patiño Pérez. O seu fillo é o cineasta Lois Patiño.

Notas[editar | editar a fonte]

  1. De Santos, Ágatha (26 de maio de 2018). "Menchu Lamas y Soledad Peralta, nuevas académicas de la Gallega de Bellas Artes". Faro de Vigo. Consultado o 27 de maio de 2018. 

Véxase tamén[editar | editar a fonte]

Bibliografía[editar | editar a fonte]

  • Artigo LAMAS, Menchu en GEG.

Ligazóns externas[editar | editar a fonte]


Falta algunha imaxe que ilustre o artigo
 Este artigo non contén imaxes. Pode axudar cargando imaxes, na Galipedia ou na Wikimedia Commons, relacionadas co contido do artigo, ou incluíndo unha xa existente.
 Debe ter en conta as políticas de uso de imaxes e o respecto polos dereitos de autoría.