Mazamet
Mazamet (fr.) ou Masamet (oc., non oficial) é un pequeno concello francés situado no departamento do Tarn e na rexión de Mediodía-Pireneos.
Xeografía[editar | editar a fonte]
Situado nas estremas entre os departamentos do Tarn e do Aude, está a medio camiño entre as vilas de Béziers e de Tolosa. Está localizada ao pé da Montaña Negra e regada polos ríos Thoré e Arnette. Ao seu redor existen numerosos lagos. O concello ten unha extensión de 72,08 km², onde vivían uns 10.544 habitantes conforme o censo de 1999.
Historia[editar | editar a fonte]
Se ben a Montaña Negra, situada nas proximidades de Masamet, foi un dos fitos xeostratéxicos importantes na expansión do imperio romano, poucos vestixios se atoparon na zona, nin dos galos nin dos romanos. Consérvase, iso si, un menhir, o menhir de Prats, con 3,70 m de altura, e o máis grande da rexión. Tamén quedan algunhas ruínas do castelo e da vila medieval de Hautpoul.
A principios do século XIX comeza o seu desenvolvemento industrial e comercial da man da la. A implantación a partir de 1851 de técnicas de delanaxe (retirarlle o coiro á la por un procedemento de calor) deulle o impulso necesario a unha produción que ata daquela se movía no terreo do artesanal, se ben os tecidos de Masanet xa acadaran unha ampla difusión.
Curiosidades[editar | editar a fonte]
 | As seccións de curiosidades e anécdotas deben ser evitadas. Axude a mellorar este artigo, integrando no corpo do texto as informacións relevantes e verificadas e retirando as superfluas ou impropias. |
- Masanet comparte un pequeno aeroporto con Castres, inaugurado en 1990.
- En Masanet naceu o ciclista Laurent Jalabert.
Véxase tamén[editar | editar a fonte]
Ligazóns externas[editar | editar a fonte]
|
