Matthew Le Tissier

Na Galipedia, a Wikipedia en galego.
Matthew Le Tissier
Matthew Le Tissier.jpg
Información persoal
Nome completoMatthew Paul Le Tissier
Nacemento14 de outubro de 1968 (49 anos)
LugarSt. Peter Port, Guernsey
Altura1,83 m.
PosiciónCentrocampista
Carreira xuvenil
1978-1985Vale Recreation
1985–1986Southampton
Carreira sénior
AnosEquiposAprs(Gls)
1986–2002Southampton443(162)
Selección nacional
1988–1990Inglaterra sub-2121(3)
1990–1998Inglaterra B6(3)
1994–1997Inglaterra8(0)
* Partidos e goles só en liga doméstica.
† Aparicións (Goles)

Matthew Le Tissier, nado o 14 de outubro de 1968 en Saint Peter Port (Guernsey), é un ex futbolista inglés. Xogaba de centrocampista defensivo e foi internacional coa selección inglesa. Pasou toda a súa carreira no Southampton FC.

Traxectoria[editar | editar a fonte]

Naceu na illa de Guernsey, situada no Canal da Mancha entre Inglaterra e Francia. Xogou desde os 18 anos no Southampton FC, onde coincidiu con Alan Shearer antes da súa marcha ao Blackburn Rovers. Nas quince tempadas que permaneceu activo (1986–2002) vestiu a camiseta branca e vermella en máis de 500 partidos entre a Premier League, a FA Cup e a Football League Cup, anotando máis de 200 goles. A súa mellor época foi entre as tempadas 89/90 e 94/95, marcando 96 goles en liga en 6 anos, destacando un que lle marcou ao Blackburn desde preto do círculo central, elixido gol da tempada 94/95 por votación popular.

En maio de 2002 organizouse un partido de homenaxe entre o Southampton e unha selección de Inglaterra, cun combinado formado por xente como Alan Shearer, Tim Flowers, Paul Gascoigne ou Ronnie Ekelund e adestradores como Alan Ball, Kevin Keegan ou Lawrie McMenemy. Os Saints, a afección do Victorian Former Ground (The Dell), alcumábao the God, co cántico de "he is God, Le God".

O concello de Hampshire concedeulle o título de "Freedom of the City". Actualmente traballa para SKY, e obtivo a licenza pro de Management, polo que pode adestrar equipos de calquera división.

Estatísticas[editar | editar a fonte]

Club Período Liga
PJ (G)
FA Cup
PJ (G)
League Cup
PJ (G)
TOTAL
PJ (G)
Promedio
Inglaterra Southampton FC 1986–2002 443 (162) 33 (12) 52 (27) 528 (201) 0,38 %

Selección nacional[editar | editar a fonte]

Ao nacer en Guernsey puido elixir entre xogar coa selección inglesa ou a selección de Francia, decidíndose polo combinado inglés. Debutou o 15 de febreiro de 1995 da man de Terry Venables nun amigábel contra a selección irlandesa en Lansdowne Road. Porén, só xogou 8 encontros co combinado nacional.

Véxase tamén[editar | editar a fonte]

Ligazóns externas[editar | editar a fonte]